الحكومه بتضرب الشعب ................؟؟؟

بسم الله الرحمن الرحيم
توكلنا على الله
ومن توكل عليه كفاه

شئ فظيع اللى بنشوفه الايام دى
من غلاء الاسعار وضياع حق المواطن المصرى المطحون الغلبان
والناس بقت تنهش فى لحم بعض ومحدش بقى طايق كلمه لغيره
وكل ده ليه من الارف اللى احنا شايفينه كل يوم فى الشارع
طب ليه الحكومه بتعمل كده فى الشعب وهم بنى ادميين زيهم
حاجه تحرق الدم X-(X-(X-(
الواحد ميبصش لنفسه انه مستريح وهو قاعد على النت مستريح
لأ احنا لنا افكار واراء لازم نشارك بيها فى تغيير الحكومه الجديده بعد الريس الجديد اللى هيشيل الزهق والارف من الشعب المصرى لأن احنا دلوقتى مبأناش الا ناس عايزه الفلوس وخلاص

دلوقتى لازم نشارك ونغير الواقع بادينا
عشان نستريح ونعيش عيشه كريمه
زى عيشة البنى ادميين
بجد دعوه للتغيير:x:x>:D<>:D<>:D<
لتغير كل شئ العقليات الرجعيه
والحكومه بالتاكيد
والاشياء السلبيه
وشكرااااااااااااااااااااا ااااا
واتمنى ان ارى ارائكم فى الموضوع
والتغيير

روعه يابنى روعه

أهلا و سهلا بيك أخى الكريم

نورت السياسى و نورت الكافيه

عجبنى طرحك للموضوع

و دعوتك للتغيير

تغيير شامل و جوهرى

تغيير فى المفاهيم و الآراء و الشعارات السلبيه الإنهزاميه التى نالت

من كافة أفراد الشعب مثل ( و أنا مالى .. هو أنا اللى هغير الكون .. اللى نعرفه أحسن من اللى منعرفهوش.. امشى جمب الحيط .. عندى عيال عاوز أربيهم .. يا عم قول يا باسط و إلخخ ............. )

لازم الشعب يعبر عن رأيه بحريه و ديمقراطيه دون خوف

لازم كل مسئول يعرف أنه ليس فوق القانون و اننا جميعا سواسيه و أنه سيحاسب إن أخطأ او قصر

لابد من تحقيق عدالة إجتماعيه و حريه سياسيه فى آن واحد و جنبا إلى جنب

لازم المواطن يشارك صاحب القرار فى كل شيئ يخص البلد من دستور و قوانين و مشاريع

لازم نحس بأهمية صوتنا فى الإنتخابات

لازم الحكومه تحس على دمها و تسيب الشعب يقرر مصيره بنفسه و تبطل تزوير و فساد

مشكور أخى الكريم على طرحك المميز

و تقبل مرورى و وجهة نظرى الشخصيه

دمت بود

عزيزى شكرا على مرورك

وطبعا دى دعوه للتغيير مش بس فى السياسه بس

ده دعوه للتغيير فى الانطواء والانكسار والعزله

لازم نكون كلنا ايد واحده تدعم هذا التغيير

السلام عليكم ورحمه الله وبركاته
موضوع جميل اخي الكريم
لايوجد الا حلين من وجهه نظري
ام ثوره شعبيه ام انقلاب من جهه معينه
لانها الان اصبح الحزب الوطني والحاكم هو المسيطر علي كل
البلد
الحزب يسيطر علي احزاب المعارضه والمؤسسات باكملها
ولا اري الي الان اي شئ من الحزب في مصلحه الشعب
بل اصبحت كله مصالح شخصيه لهم يصلوا لها من علي اعتاق الشعب

حريه الشعب لا تسترد بسهوله وبدون خسائر

موضوع مهم ويستحق المناقشه

بارك الله فيك وحفظك ورعاك

يعنى هو الريس الجديد هو اللى هيغير الكون ولا هيخلى الاقطاعى شحات و يخلى شحات اقطاعى ولا هيخلى تمن الفول بتمن الكباب ولا الكباب بسعر الطعمية مهيا كدة كدة خربانة يا عم خربانة دية مش انهزامية دة الواقع اللى مش هيتشاف الابعد التغير مهم غيروا المللك ودوا فية هيا هيا الاسعار مع فارق الزمن ايام مكانت مصر تعداد سكنها 4 الالف نسمة كانوا يشتكوا الغلاء والفقر و زيادة السكان دة حتى خوفو لما فكر يبنى الهرم كان علشان يشغل الشباب قعد اكتر من سنة علشان مهنة للشباب و يعمر المنطقة دية
العملية ضاعية من زمان من ايام مينا و كيلوباترا وجهة نظر من ورا النظارة

عايزين تغير سهل قوى تعالو نقول (لا)
يمكن فى الاول هتطلع ضعيفه مرعوشه بس نكررها تانى هتطلع اقوى وتالت هتطلع اقوى واقوى تعالو بدل ما اقول لا بصوتى هيبقى ضعيف وهزيل مش هيوصل ولا هيسمع حد تعالوا صوتى وصوتك واصواتنا كلنا نقول لا فى صوت واحد نهز الكون
تعالوا نقول لا للفساد لا للبلطجه لاللحرميه للمحسوبيه لا للذل
تعالوا نعلى صوتنا ونقول عايزين حقوقنا تعالوا بقى نكلم بعض واحنا ماشين فى الشارع فى المواصلات على القهاوى
تعالوا نقول احنا ساكتين ليه هيعملولنا ايه اكتر من اللى عملينو
تعالو نتغير بقى تعالو نطرد الخوف من قلوبنا ونتكلم ونصرخ ونقول (لا)لا مش هنسكت تانى
يمكن بقول احلام او اوهام بس بجد ده اللى بحلم بيه
شكرا لموضوعك اللى خلانى اقول انا بتمنى ايه اشكرك