انا مخنوقه.....
بسم الله الرحمن الرحيم
لما تحس انك منبوذ من كل اللى حواليك
لما اقرب الناس ليك واللى كانوا اغلى من نور عينيك يتجاهلوك ويجرحوك ومفيش اى اهتمام بيدوك
لما حد حسيته صديق وقت جرحك مسمعتش منه كلمه تداويك
لما ناس تقولك انت اغلى من نور عينيا وهموت لو مره حسسيت بتعبك
وفجاه ولا يسالوا فيك ويتجاهلوك
ولما تشكيلهم همك يعملوا سامعين وفجاه من حياتهم يحذفوك
لما مره تحس بامان من حد شاريك ومستعد يضحى بحياته ليك
وفجاه يغيب عن عينيك وتتعب وتقاسى من غيره وهو من حياته ناسيك
ده يبقى ايه....؟
يعنى ايه تبقى وحيد بعد ما الكون كله كان بين ايديك..
بعد ما كل الناس بيقولوا انهم بيحبوك
هو انت فعلا اتجرحت منهم ؟
ولا انت اللى جرحت نفسك بيهم؟
هو كذب الحب والحنان..
ولا انت اللى غلطان...
ولا مفيش حد فهمك
هو يعنى ايه امان؟
لو حسيت بده كله
تقدر تقولى يعنى ايه امان!
لما كل الناس اللى حبيتهم وامنتلهم طلعوا وهم وناسيينك
والكل غرقان فى حياته وهمومه
......................
اعتزل الدنيا ومامنش لحد
ولا اتجاهل الكون واعيش فيه
اعيش معاهم وانسااهم زى ما نسيونى
ولا اكون لوحدى وابعد عنهم
؟؟؟؟؟؟؟؟؟
تخيل بقى الهموم دى كلها والتعب ده كله وكل الجرح ده
ربنا بيحبك
ايوه ربنا بيحبك
بيحبك علشان هيعلمك حاجه جديده اسمها الصبر
بيحبك علشان هيعرفك انه سبحانه وتعالى اللى باقيلك
ولا اخ ولا صديق ولا حبيب ولا الدنيا كلها باقيه
لا ربنا اللى باقى
تخيل دلوقتى وكل الهم ده فيك
وفى لحظه حسيت ان مش مكتوب عليك الفرح
وحزين جدا
والله هييجى الوقت اللى بقدر حزنك ده هتفرح وتحس معنى كلمه منتهى السعاده
دلوقتى وانت مجروح اوى كده
قوم صلى ركعتين وبدموعك اللى حاسس انها جرحت خدك
قول يارب
قولها من كل قلبك
قول يارب مليش غيرك
وعاهد ربك انه يكون محور حياتك
وانت من اللحظه دى هتحس يعنى ايه ان كل اللى انت فيه ده احلى لحظه حصلتلك ومنها ترجع لربك
ربنا اعلم بحالك منك
اسماء
