مصر هى أمى و لا هى بتشتغلنى ؟
مصر هى امى ولا هي بتشتغلنى ؟
انا ابنها وضناها
ولا ابن بالتبنى
...بتفرق ليه مابينى
وبين اخويا الكبير
وتطلع ليه فى عينى
لجل ما يلبس حرير
وتقولى اصبر شوية
يا ضنايا يانور عنيا
امى بتضحك عليا
مانا شايف خير كتير
مش لاقى فى بلدى شقة
وامى تقولى الظروف
افطر واتغدى دقة
واللحمة للضيوف
واخويا ابن اللذينا
واخد فيلا فى مارينا
وبسين وكمان جنينة
واناساكن فوق السطوح
ماهى امى بتشتغلنى
مش لاقى وظيفة ليا
اصرف منها واعيش
وكله بالمحسوبية
حتى فى دخولى الجيش
واخويا حظه نار
وبيقبض بالدولار
امى بتديله كوسه
وتصدرلى الخيار
مصر هى امى ولا هى بتشتغلنى ؟
مما راق لى
