عرض للطباعة
أنا عايزة حبيب مش عادي
يشاركني دنيتي
يملي عليا حياتي
ويسكن مهجتي
ياخدني لأحلي غرام
أسهر معاه ولا أنام
وإن نمنا غصب عنا
نكمل ف الأحلام
وندوب سوا ف الحب
ونرتاح من تعب القلب
وبكل شوق الدنيا
يبادلني محبتي
أنا عايزة حبيب مش عادي
يشاركني دنيتي
**********
يغيب عني اشتاقله
ولو طول أروحله
أناديه يجري عليا
أمللي بنوره عنيه
وأسقيه من كاس حناني
وأحسسه بأماني
وأهمس بشوق وأقوله
كلام الحب كله
إياك تغيب من تاني
ف بعادك آخرتي
أنا عايزة حبيب مش عادي
يشاركني دنيتي
**********
عصام قمر
ممكن تسمح لي أكمل وأقووووووووووول:D
و أنا عايزة حبيب مش عادي
يسهر في هوايا ليلاتي
يهدي من شوقه لشوقي
ويقولي كلام مش عادي
يدووب في ضي سمايا
أنا اطير ويطير ويايا
حلمه ده كله هنايا
قلبه مليان بهوايا
همسه يتمنى لوقايا
بيعشق ضحكتي
وإن طال ليل دنيايا
ياخد بإديه نجمايه
يهدي لعيوني وردايه
ويقول من رقتي
أنا عاوزة حبيب مش عادي
يشاركني دنيتـــي;;)
كلمات جميلــــة لها من الجاذبية
أن تجبر كل من مر على حضور حرفه
وإعلان إعجابــــه الشديد بهذا الإبداع
تقديري للحـــــرف الجمييييييييييييل
وعذراً على خربشات قلمي التي أثارها رقيق حرفك:)
دمت بألق
كلمات جميلة
وهو ده فعلا المطلوب
حبيب مش عادى
سلمت يمناك
دمت متألقا
اقتباس:
المشاركة الأصلية كتبت بواسطة هناا
عزيزتي هنا
شكرا لمرورك الجميل وبارك الله في مشاركتك التي أضفت علي الموضوع جمال له بريق
بكل الود تقبلي تحياتي وأجمل أمنياتي
عصام قمر
اقتباس:
المشاركة الأصلية كتبت بواسطة العاشقة المجروحة
اختي العاشقة المجروحة
شكرا لمرورك الجميل وثنائك الرائع ... وجودك عطر صفحتي بأزكي الرياحين فلا تحرمينا أنس وجودك... بكل الود تقبل تحياتي
عصام قمر
انا معاكي
وانا ليكي
في سحر الحب انا طفره
ومش بافتح لأيها حد
لإنك جوا بالشفره
فبالتالي
مافيش غيرك
بيملاني
عشانك انتي
حدود الدنيا ملاني
في فرحك بابقي ميت شمعه
في حزنك بابقى ميت دمعه
وفي بعادك بتتبدل شراييني
وفي قربك باحياكي وتحييني
وبالتالي
حبي ليكي مش عادي
فلو قابله
بحبك موت وانا راضي
ولو رافضه
بحبك موت وانا راضي
كلماتك غاية في الروعه استاذ عصام
وافر تحياتي
اقتباس:
المشاركة الأصلية كتبت بواسطة thesniper_12007
عزيزيthesniper
شكرا لمرورك الجميل الذي عطر صفحتي وكلماتك الجميلة التي عطرت الصفحة بأزكي الرياحين وشكرا لثنائك الجميل وربنا ما يحرمني من طلتك
عصام قمر
تصدق اول مرة اعرف إنك بني سويفي يا اخي طيب عرفنا بنفسك ما انا بني سويفي برضه بباوي
في انتظار ردك
وافر تحياتي وجل احترامي
كلمات جميله عصام
دائما مبدع ومتميز
في اسلوبك وانتقاء كلماتك
بارك الله فيك وحفظك ورعاك
اقتباس:
المشاركة الأصلية كتبت بواسطة thesniper_12007
أخي العزيز thesniper
أهلا بالغالي.... انا من بني سويف - مركز ناصر وأعمل مدير حسابات ولي أسرة وزوجة وأولاد
والشعر الغنائي والزجل هي هوايتي التي أحبها وسأظل مستمرا بها الي ان تظهر كلماتي وتنتشر بإذن الله
طالما انها كلمات هادفة تخاطب القلب والوجدان والعاطفة الطاهرة البريئة .
شكرا لسؤالك وأهلا بك يابلديات
أخوك عصام قمر