عرض للطباعة
تعبت من الكــلام... ووجعت راسي
ومهما نصحت فيك... غافل وناسي
دخول (النت) عندك شيئ أساسي
وهدفك في الحياه مبقاش قضية
علي (الفيس بوك) ياروميو ليك مكانة
يومين مع (نانسي)...والتالت لنانا..
قليل الأصل... غرقان في الخيانة..
وكل مكان سايبلك فيه ضحية..
بنات الناس مهيش لعب وتسالي
تسيب (سلوى)..وتشغل قلب (سالي)
ياريت تقدر تجاوب عن سؤالي
ضميرك فين؟؟؟وفين الانسانية؟؟
يجيلك يوم وتندم فيه (يافوفو)...
وذنبك بكرة بعيونك تشوفه..
ومين فينا اللي عاش ضامن ظروفه..
بأمر الله (تكون خيبتك قوية)
بقلم (رضا محمود)
جميله جدا جدا
سلمت اناملك على الابداع الرائعه
شكرا لك لمست الواقع بكلمات بسيطه ورائعه
شرفنا حضورك هنا ياقلم مبدع نتتظر منك المزيد
تحياتى وتقديرى
بأمر الله تكون خيبته قوية
عبرت عن الواقع
بأبسط الكلمات
تسلم ايديك
جزاك الله خيرا يا رضا على كلماتك الجميله اختيارك موفق
خالص احترامي
دمت بود
اخواني الاعزاء.......السلام عليكم ورحمة الله وبركاته..
أشكر لكم مروركم الكريم واهتمامكم بمشاركتي...راجياً من الله ان تكون قد نالت اعجابكم وعبرت عن شيئ من الواقع في اسلوب تعمدت أن يكون بسيط خالي من التعقيد..
ممممم
هيا فكره حلوه للعرض
لكن هو حضرتك كتبتها بسرعه ومرجعتش تانى ليها
انا اسفه على كلامى
بس انا لسه شيفالك روائع
دى كلماتها حلوه بس محتاجه مراجعتك
اسفه لو الرد ضايقك
أختي الغالية....السلام عليكم ورحمة الله وبركاته...اقتباس:
المشاركة الأصلية كتبت بواسطة اسلامى حياتى
علي فكرة أنا بحب النقد الف مرة أكتر من الاطراء والمجاملة.....عارفة ليه؟؟؟؟
لأن النقد بيخلي الانسان يعرف اخطائه ويستفيد منها ومايكررهاش تاني...وكمان النقد بيخلي الانسان يقف علي أرض الواقع ويقيم مستواه...
فألف ألف ألف شكر علي ملاحظاتك القيمة...
بس عاوز أقول لحضرتك ان المشاركة دي ...نوع من أنواع العامية اسمه الزجل...والزجل هوة كدة معالجة مواضيع اجتماعية باسلوب ساخر وبسيط...وله ادواته وطريقته في الكتابة وخاصة في علم القوافي...وعموما انا هاسمع كلامك واشوف التقصير فين...
تقبلي أرق التحية والود..