ليه الحب بقى كده
ليه لما بنحب بنخاف
وليه احيانا مش بنخاف
وليه لو حبينا واتحبينا بننجرح
ليه كده طيب
حتى لو حبيت ممكن حبيبك يقولك شكرا انا مش قادر احبك
ليه الناس بتتغير وبتبقى وحشة اوى كده
قلوبها فين
احاسيسهم فين
وبعد كل ده اللى بيجرحنا هو بيبقى اللى حبيبنا ونور عيونا كمان
وهل جدا تنسى انك اتخدعت
بس عمرك ما تنسى مين اللى خدعك
شكرا
لما بنحب بنخاف لاننا بنبقى مش عاوزين نجرح قلوبنا
صعب تعيش خايف انك تجرح قلبك ويوم ما تحب تنسى الخوف
لا طبيعى نخاف لانك من البدايه محافظ اوى على قلبك
وممكن منخافش علشان مديين ثقه كبيره فى اللى حبيناه علشان بس صدقنا احاسيس ومشاعر
ومن فرحنا بحبنا نسيينا الخوف بس بردو نسيانه وحش لانه بيخلينا نتجرح نتيجه للثقه الزائده
وممكن نحب ونتحب وتتجرح يمكن لان احنا جرحنا ولازم نتجرح
او لاننا هنجرح فاتجرحنا
وممكن لازم نتعلم شئ ومقابل ده نتجرح
لكن لازم نداوى جرحنا ونكمل الحياه
الحياه هتمشى بينا او من غيرنا
لكن لازم نعشيها وننسى الجرح
ولازم ننسى اللى جرحنا لانه لو كان دايما فى بالنا اللى جرحنا ده دليل على ضعف ارادتنا
الحب امان لكنه مش سهل الوصول ليه
لازم نعانى علشان نعيش الحب الحقيقى مش الحب اللى هو لغبطه مشاعر علشان بيها نوصل للمعنى الحقيقى للحب
المشكله ازاى نخرج نفسنا من الحزن بسرعه ده بناء على قوه اراده واستعانه بربنا
وعلى اد جمال الحب على اد جرحه
اسفه على الاطاله
رغيت كتير معلش
بس سؤالك رائع
معالى المستشار
تحياتى ليك ولموضوعك
بس انا ليا تعقيب بسيط
الحب مالوش ذنب العيب فينا
وعلى رأى اللى قال
نعيب زماننا والعيب فينا وما لزماننا عيب سوانا
احنا اللى وحشين وبنجرح بعضنا وبنخون
الحب بيتولد جوانا واحنا فى الارحام
بس احنا اللى بنستغله ايوة بنستغله
وبنفهمه وبنستخدمه غلط ضدنا او ضد اللى بنحبهم
وبنخاف اننا نحب عشان مبقاش حد بيحب بجد
وعشان بنخاف ان اللى حبناهم يكونوا هما سبب جرحنا
بس لو حبينا اللى يستاهلونا بجد وهما كمان حبونا اكيد
هنحافظ على بعض ونخاف اننا نجرح بعض وحبنا هيعيش مش هينتهى
يعنى الحب دلوقتى محتاج للصدق والصراحة عشان يستمر ويقوى ويعيش
وده اللى بقى معظم الناس بعيدة عنه وغفلاه
والناس عمرها ماهتتغير نفوسها منها لنفسها كدة اكيد فى جرح عميق هو السبب فى التغيير ده
بس اللى بيحب بيسامح ممكن متنساش بس هتسامح
ده لو حبيت بجد
والجرح مسيره هيندمل ويدبل بس هيسيب اثر بسيط عشان نتعلم منه
تقبل مرورى وخالص ودى وتقديرى