اهانت نفسها بنفسها .. وندمت بعد فوات الاوان
http://store2.up-00.com/Apr10/ee645632.gif
بصوا يا جماعة
القصة دي بقالها فترة صاحبتها طالبة انها تتنشر في كل مكان
علشان اي بنت تستفاد من اللي حصلها
انا معرفهاش شخصيا حقيقي
وطبعا هي اللي عملته غلط جدا من كل الزوايا
بس احنا ناخد الاستفادة منها
هسيبكم مع حكايتها بتحكيها بنفسها
===============================
http://forum.egyteams.net/samed-4.3/misc/quote_icon.png المشاركة الأصلية كتبت بواسطة فــــلااانـــــــــــة http://forum.egyteams.net/samed-4.3/...wpost-left.png
السلام عليكم ورحمه الله وبركاته
قبل مااكتب الموضوع ده فكرت كتير اوى ومن زمان وفى بالى اكتبه واحكيه عشان كل بنت تتعلم من اللى حصلى
المهم انا هحكى القصه من الاول ومعلش هى طويله شويه استحملونى من فضلكم دقايق من وقتكم
من سنين كان في شاب وسيم لطيف محترم اتقدملى اى بنت بتحلم بيه وتتمناه
اتخطبتلو وكنا لسه مخدناش على بعض وكنا زى الاغراب
بابا كان بيسبنا نقعد لو حدنا وادى اول خطأ حصل بس ابويا كان واثق فى بنته اللى مربيها
انا هحكلى للبنات ان كل حاجه بتيجى بالتدريح صدقينى وشوفى اللى حصل واحكمى
هو كان بيجيلنا كل شهر مره او كل 20 يوم مره ده فى اول الخطوبه
اول حاجه
قاعدين لوحدنا وحسيت انه بيقرب منى حاول **** قومت جرى مرعوبه منه...وبعدها اتأسفلى وقالى انه غلطان وازاى عمل كده خلاص سامحته
تانى حاجه
الزياره اللى بعدها*** وانا بقى ضعفت واستسلمت ليه وللشيطان وبردو رجعنا بعد كده ندمنا اوى وقالى اسف مش هعمل كده تانى
تالت حاجه
الزياره اللى بعدها **** وكل حاجه بقيت تيجى بالتدريج والقلب بقى يقسى و *****
رابع حاجه
الزيارات بقى بقيت كتيره لان شغله اتنقل جمبنا فكان كل شويه عندنا
والحال اتطور بينا ومبقاش **** بس لالالالا للأسف زاد اكتر ومش عارفه اقولكم ايه
خامس حاجه
كتبنا الكتاب وياريتنى ماكتبت الكتاب
ساعتها خدنا عهد بينا مش هيحصل حاجه عشان ربنا حققلنا امنيه كتب الكتاب بعد مرار سنه
بس للأسف
رجعنا للأسوء وللأسوء وللأفظع
لحد ماحصل اللى ماكنت اتوقع فى يوم من الايام انه يحصل
ومن ساعتها وانا اتدمرت وحياتى انهارت وتعبت وكل حاجه حصلتلى وده قليل عليا
هتقولولى اهلك فين وهما السبب
هقولكم اللى عايز حاجه هيعملها حتى لو قعدو معانا رقيب
بس ذنب اهلى انهم واثقين فى بنتهم وفى خطيبها اوى
وحصل ظروف وسيبت خطيبى
اللى كان جوزى يعنى
وهتقولو ليه سبتيه
هقولكم كان لازم اسيبه غصب عنى مش بمزاجى
لان حصلت مشاكل كتيره اوى اوى ومكنش ينفع نكمل لظروف مش لازم اقولها احنا فى اللى حصل وخلاص
ودولقتى بقى بقالى سنتين عايشه فى العذاب ده لوحدى
وهو الصراحه مكنش عايز يسبنى بالذات عشان الموضوع ده
بس مكنش ينفع نكمل لظروف وهو دلوقتى خلاص هيتجوز وهيعيش حياته
وانا اللى عايشه فى مرار وكوابيش ان كنت بنام وتعب ونرفزه وعصبيه ومشاكل وكل حاجه تتخيلوها
ودلوقتى اتخطبت بعد قرار خدته بنيى وبني نفسى مش هتخطب
بس اتخطبت
معرفش ازاى
وانا عايشه فى مرار ومش طايقه خطيبى ومش عارفه اعمل ايه
وكارها الجواز وكل حاجه اى عروسه بتتمناها
انا مش بكتب دلوقتى عشان الاقى حل
لالالالالالا
انا فقدت الامل خلاص فى نفسى وفى حياتى كلها
وعرفت ان سنى اللى مفروض كان من 4 سنين اجرى واتنطط والعب واهزر واخرج واكل وامشى
بقيت مكبوته ومهمومه وشايله كل الهموم فوق دماغى وفى قلبى
وشايله جبل فوق صدرى لوحدى
انا كتبت بس عشان اقول لكل بنت مخطوبه اوعى تفرطى بنفسك ولو حتى ***
ياللى كنتى بتقولى خطيبى عايز **** اعمل ايه..
اوعى تفطرى فى نفسك
كل حاجه بتجيى بالتدريج
ياللى كنتى بتقولى مكتوب كتابك وبيحصل بينا حاجات فى حدود
صدقينى الحدود دى هتتشال وساعتها الشيطان هيغلبك وهترجعى تندمى وتضربى نفسك ميت جذمه قديمه انك سلمتى نفسك
ياللى متجوزه وعندك بنت حافظى عليها
واوعى تسبيها لوحدها مع خطيبها
ولو حتى كاتب كتابه
زعليها اضربيها اشتميها خاصميها
بس بلاش بلاش بلاش
والله العظيم انا نفسى اشوف كل بنت وابوس رجليها واقولها حافظى على نفسك ..على ابوكى اللى تعب فى مصاريفك وتربيتك
على امك اللى تتمنالك السعاده ..
على اخوكى ..
على اختك ..
وقبل كده ده
ربنااااااااا
ياااااااااااااااااااااااا ااااااااااااااااااااااااا اااااااااااااااااااالله
انا طولت عليكو بس سامحونى نفسى اساعد كل بنت على وشك الانهيار والضياع ونفسى اساعد كل بنت تقول دى *****
يعنى مش هتعمل حاجه وانا لسه بنت وهو بيحبنى
فوقى فوقى
عندى طلب منكم :
سامحونى وادعولى بالصبر والمغفره من ربنا
ولو حد دخل شتم او هانى او زعلنى بكلمه او جرحنى او قفل الباب فى وشى
مش هزعل لان مجاتش عالباب ده اللى هتقفلو فى وشى
مبقتش تفرق معايا خلاص
اسفه للاطاله
ادعولى بظهر الغيب
===================================
