ما هو امتداد الملف ... File Extension
السلام عليكم ورحمة الله وبركاته
شرح معني امتداد الملف Extension
الموضوع من شرحي يا ريت اكون وفقت فيه :)
يعني اية امتداد ؟؟
اكيد سمعت الكلمة دي قبل كده و 80% من الموجدين ممكن يكون عارف معناها
بس انا حبيت اشرحها للي مش عارف معناها اية
بأختصار
اي ملف عندك فى الجهاز بيكون ليه امتداد معين
عن طريق الامتداد ده الـ Windows بيتعرف على نوع الملف ده
وبالتالي بيقدر يتعرف على البرنامج اللازم لتشغيل الملف ده
ملحوظة : الامتداد للملفات فقط وليس للمجلدات
شرح مطول : :D
هنفترض دلوقتي عندنا ملف فى الجهاز اسمه
AliMadkour
الفيل ده كده مش ظاهر ليه امتداد
كده الـ Windows اكيد مش هيعرف اية الملف ده صورة ولا صوت ولا فيديو
فالتالي لازم لكل ملف امتداد Extension
هنفترض ان الملف اسمه
alimadkour.mp3
النقطه دي بعدها الامتداد
اللى هو Mp3
وده من اشهر الامتداد ده معناه ان الملف ده عباره عن ملف صوت
لو اسمه مثلاً
alimadkour.jpg
صورة
او
alimadkour.gif
صورة متحركة
alimadkour.wmv
ملف فيديو
---------
اغلب الامتدادت بتبقي اختصار للحاجة دي
مثلاً WMV
Windows Media Video
و
MP3
MPEG-2 Audio Layer 3
....
اعتقد كده وضحت ولو جزء من معني الكلمة
يا ريت يكون الموضوع فيه فائده
أخيكم علي مدكور :)
