فى ظلام الليل الدامس وبعد ان خفتت الاصوات فاصبحت همسا و توقفت الحركات فاصبحت لمسا وفى وسط هذا الهدوء الجل المخيف
رن التليفون الخاص بى فى تمام الساعة الثانية صباحا فاحاطنى القلق ومسكنى التوتر و دق ناقوس قلبى ليعلن حالة التأهب حظرا من ان يكون التليفون يحمل الخطر
فوجدتنى امد يدى اليه بسرعه لاعلم ما الخبر
فقلت آآآآآآآآآآلو فكانت المفاجأة الغير متوقعه
سمعت صوت عزب رقيق انه صوت فتاة فقالت لى
هاااااااااااااااااى عامل ايه انت كويس
فقلت مين معايا حضرتك تعرفينى
فقالت انا بسألك انت كويس
فقتلها ايوة كويس
فقالت طيب تصبح على خير وقفلت السكه
فقلت ايه دى مين دى انا احترت بصراحه صوتها مش من النوع المألوف مكلمتنيش قبل كده وايه انت كويس دى عموما هى حره انا كويس ونمت ونسيت الحكايه كلها
تانى يوم رجعت البيت وبعد يوم طويل وممل مددت على الكنبه ولسه هريح و فى الساعه الثانيه صباحا بالضبط رن التليفون
اااااااالو نفس الصوت بتاع امبارح بتقولى انت كويس
قولتلها بقى وانا ابتديت اتعصب انتى مين
قالت انا وحدة عايزه تطمن عليك انت كويس وقفلت السكه
قولت ايه ده فيه ايه انا مبحبش شغل البنات الفاضيه دى
تالت يوم بقى روحت البيت وقبل الساعة الثانيه صباحا مخصوص علشان لو اتكلمت المرة دى بقى هشتمها وزى ما توقعت الساعة الثانيه صباحا بالضبط رن التليفون
اااااااااالو انت كويس مقدرتش امسك اعصابى بقى اسمعى انا مبحبش لعب العيال دى انتى مالك انا كويس ولا متنيل بستين نيله ردت على ببرود مفجع وقالتلى مالك بس ما انت كنت كويس استفذتنى بصراحه بقى قولتلها انا كويس طول ما انتى ما بتتكلميش لما بتتكلمى ما ببقاش كويس كويس قالت كويس وقفلت السماعه
الظاهر ان الكلمتين دول جابوا نتيجه ماعدتش بتتصل لانى كنت بفضل صاحى لحد معاد تليفونها بدافع الفضول و الله وبرغم انى ارتحت ودماغى راقت لما بطلت تتكلم انما قلقت عليها لحسن تكون هى مش كويسه ولا حاجه
بعد شهر رن التليفون فى نفس المعاد برده بس المره دى كانت بتضحك وقالتلى انت كويس دلوقتى قولتلها اه كده احسن كل شهر ماشى انما كل يوم مش كويس قالتلى المهم انى اطمنت ان انت كويس وقفلت السكه
يا مجنونه تانى يوم قاعد فى الكافيه وطلبت قهوه ولسه باخد اول شفطه سمعت سؤال بيخرم ودانى انا عارفه كويس انت كويس اندلق فنجان القهوه ببص لقيتها المضيفه اللى بتحطلى القهوه فى الكافيه قولتلها انتى قالتلى ما تتنرفزش
الحكايه ان فنجان القهوه اللى بتشربه دى اتعرض عليا فيه خمسمائة جنيه قولتلها ازاى قالتلى واحدة ست جاتلى وطلبت منى اعطلها فنجان القهوه بتاعك بعد ما تشربه وتدينى المبلغ قولتلها لى طيب قالتلى عايزة تعملك عمل فى الفنجان تسحرلك قولتلها ليكون اديتهولها قالتلى لا طبعا بس كنت خايفه لتشرب القهوه فى مكان تانى وولاد الحرام ياخدوا الفنجان ويدهولها
قولتلها علشان كده كنت بتسالينى انا كويس قالتلى ايوه
...........
...............
............
............
..............
انت كويس
