انتبه باقـي علـى شفتـك روج
http://up.masrawycafe.com/upload/up7...b09a099aeb.gif
ياعين مـن حطيـت عينـي بعينـه
وابطيت واقف في بحر عينهامـوج
ابحـرت فـي عينـها بلا اي سفينـه
سجيت فيها ليـن ضيعنـي المـوج
حاولت الـد الشـوف عمـا يهينـه
ولاانتبهـت الا وانـا فيـه ملبـوج
شفت الفتـن فـي ملتقـى حاجبينـه
والسحر في عينه مع الزين مدمـوج
اسـود سـواده لابستـه السكيـنـه
وابيض بياضه طايش اللون مرجوج
زاويه طـرف ٍ حاجـز ٍ دمعتينـه
لولاه كان الخـد بالكحـل ممـزوج
كاسيه رمـش ٍ زاد ملحـه وزينـه
من فوق متكحل ومن تحت مدعـوج
بينالرموش السود شفـت الغبينـه
واللي رماه الرمش ماعاد لـه بـوج
مرت ثوانـيمـن حياتـي ثمينـه
وانا اتهادى بيـن الاشـواق وأدوج
مرت وانا قابـض علـىراحتينـه
واقف مقابل لـه وساهـي ومدلـوج
مدري وش اللي صار بينـيوبينـه
والقلب ماردنـه ضلوعـي العـوج
ولا انتبهـت الا بسحـبــــــــــةيديـنـه
قالت انت تبغى الناس تلحقني هـروج
قلت اعذر اللـي شافـك اللهيعينـه
يبطي ودمعه بعد فرقـاك مزعـوج
عينـك بنظـرااااات الغـلامستهينـه
قالت الغلا في داخل القلـب منسـوج
قلت الوعد قال ايـه كلـشبحينـه
الله يفتح لك مـن الضيقـه فجـوج
قلت آآه .. طيب شف لي الدربوينه
قالت.... انتبه باقـي علـى شفتـك روج
