ياجماعة دى كلمات بسيطة كتبتها تعبر عن حال بعض من الشعب المصرى اللى شايف الحياة فى مصر من جانب الياْس
لا تعبر عن راْيى واعذرونى إن كات فيها بعض المبالغة فى التعبير وياريت تعجبكم
يااخوانا الرحمة الرحمة ياناس
فين الذمة والإخلاص
فين العدل والإحساس
ياخوانا الرحمة ولا خلاص؟
كلنا عايشين بنعانى
واللى معاه لسة اْنانى
والاْكل كمان برانى
حتى اللحمة برده سودانى
كلنا بنفضى جيوبنا
وبنستنا حد يشوفنا
ومين هيحس ظروفنا
ومنين نجيب لضيوفنا؟
اللى فى ايده صانعة ياعينى
بقة دالوقتى يقول ادينى
والديانة مطلعة عينى
والعطشان يقول اسقينى
كل الناس اتغير حالها
والدكاكين جابت ابوابها
والمشاريع مشت عمالها
حتى الشحات هج وسابها
بقة مش دية هية بلدنا؟
بقة مش دية اْرض ولادنا؟
هية اللى بتعطل زادنا
ايوة ياعم وعلى الله تكالنا
ايه الفايدة وليه الكلمة؟
ماخلاص هنسيبها ونمشى
ونروح امريكا ولا هولندا
اْحسن ماننام مانقومشى
يااْهل الكلمة انتو ياناس
فين الرحمة والإحساس
فين الذمة والإخلاص
ياخوانا الرحمة ولا خلاص؟
