أنا عمر ي ما كنت خاين....ولا ناكر للجميل..ولما اخترت أبعد......كان فيه مليون دليل..
ماانا ياما كتبت فيكي....أشعار ملهاش مثيل..
غرّقتك بالمشااعر.....مكنتش يوم بخيل...
وفي وقت الشدة شلتك....عملت المستحيل..
وسهرت الليل عشانك...لو مهما كان طويل..
وهبتك نبض قلبي...واحساسي الجميل..
لكن ..وبرغم حبي ...مقدرش أعيش ذليل..
شوفيلك حد غيري....يلعب دور البديل..
يعيش علي كيف هواكي...ويرضى بالقليل..
انا حبي حب غالي...مخلوق علشان يعيش..
أقوى من الليالي....احساس ما بينتهيش..
عاوزاني أحس بيكي...وانتي مشاعرك..مفيش..
داانا لما بغيب عليكي....تنسي ولا تسأليش.
لو بُعدي عادي عندك....بُعدك ما يهمنيش..
واللي بيرضى بعذابي...أكيد ما حبنيش...
واللي في حبه أناني...في نظري مايساويش..
عشان كدة باقولك....(أرجوكي ما ترجعيش )..
بقلم....رضا محمود
