كام مرة بتيجي مروح من الكلية او رايح الكلية او حتى وراك اي مشوار و تبقى شاااااااايل همّ المواصلات و ارفها ؟؟
حتى لو معاك عربية ؟؟.......زحمة و قرف و خنقة برضه
كام مرة كان نفسك تغمض عين و تفتحها ............و تبقى وصلت الحتة اللي انت رايحها ؟؟
مممممممممم ؟؟
كتيييييييييير..........مش كده ؟؟
طب خليني اقلك ان كمان العلماء في كل حتة كانو بيتخنقو من نفس الحكاية برضه
و فكرو في حل للمشكلة ديه ؟؟
و الحل ببساطة يبقى
الإنتقال الآني
نفسّر الاول كلمة آني لو مش واضحة
آني.......كلمة مشتقة من الاوان..........بمعني اللحظي او الفوري
يعني الانتقال اللحظي
بالانجليزي اسمهteleportation
يعني ايه بقى الانتقال الآني ؟؟
باختصار و ببساطة
تفكيك المادة الي ذرات اوليّة و ارسال تلك الذرات بكافة المعلومات التي تحملها الي مكان آخر بعيد ليتم تجميعها
بنفس كيفيتها الاصلية
بنفس كيفيتها الاصلية
مهمة ديه اوووووووي
يعني لو المادة ديه كانت قبل ما تتنقل عبارة عن مثلا موبايل نوكيا.......لما تتجمع تاني تفضل برضه موبايل نوكيا.......نفس الموديل
مش تقلب سوني اريكسون مثلا.......او تبقى موديل تاني
هههههههههههههههههه
كده و بالطريقة ديه نقدر نشيل من حسابات السفر عاملي الزمن و المكان تماما
يعني متشلش هم انت هتروح فين و في اد ايه ؟؟
عايز تروح حتة خطرت على بالك ؟؟
تمام..........بس خلصت
بنفس سرعة انتقالك من السطر اللي فات للسطر ده هتروح المكان اللي خطر على بالك
يطلع واحد منكم و يقولي ..........ياااااااااااااااااعم ؟؟
ايه الخيال ده ؟
هوه فيه حد يقدر يعمل كده؟؟؟
طب خليني اقلك ان العلماء فعلا عملو تجارب كتيييييييييير و وصلو لنتايج اولية فعلا في الموضوع ده
طب وصلو لايييييييييييه ؟؟
اخر حاجة وصلو ليها على حد علمي......انهم قدرو ينقلو اجسام مادية صغيرة اوووووي
و لمسافات محدودة جدا
و عبر انابيب موصلة
مش في الهواء الطلق كده
بس قدروا
و حققو المبدا الفيزيائي اللي كان مجرد نظرية على ورق
حققوه في الواقع
صحيح حققوه بطريقة محدودة جداااااااااااااااااا
لكن ؟
مع الوقت ؟؟...........هيوصلو للي عايزينه
اللي بدا النهارده باجسام صغيرة و لمسافات محدودة
كمان كام سنة
هيبقى اجسام اكبر و مسافات اكبر
و بعدها بكام سنة
الاجسام هتكبر و المسافات هتكبر........و الحدود هتتشال
لكن ؟؟
كالعادة يبقى سؤالي ؟؟
تفتكر اخر حدود الحكاية ديه فين ؟؟
تفتكر ممكن البشر يستخدمو الانتقال الاني فعلا كوسيلة انتقال
؟؟
تفتكر المبدا ده زي ما وضحته ببساطة كده ينفع يطبق على الانسان ؟؟؟
على فكرة المبدا الفيزيائي في حد ذاته ليس باكثر تعقيدا عما وضحت
بنفس البساطة اللي قلتها
اجابة السؤال مش محتاجة عالم فذ
في الواقع هيا مش محتاجة عالم على الاطلاق
محتاجة بس نشغل دماغنا شوية بسيطة
تفتكرو البني آدم يقدر يتنقل بالوسيلة ديه ؟؟
ممكن في يوم من الايام بدل ما نروح محطة المترو مثلا او محطة الاتوبيس
يبقى جوه بيت كل واحد محطة teleportation ؟؟
فكرو
و
جاوبو
و انا مستني اجابتكم
عشان اقول رايي انا كمان
