::: قصيدة مهداه:::::العاشقة المجروحة
انا عاشقه ومجروحه
صحيح عاشقه ومجروحه
لكن باعشق
ومهما كنت مدبوحه
انا ف حضن الحنين بارشق
ما انا اصلي مجروحه
ورغم الأسوه بحبوحه
وعلى غيري كتير باشفق
صحيح الأسوه دبحاني
لإن الغدر كان منه
وأعمل ايه ماهو الجاني
حبيبي
وكنت انا ف ننه
رماني الشوق على القلب
اللي متغلف
رسملي سكه مثاليه
وقلب مثالي متكلف
اتاريني في بحر دموع
يميني فيها متحلف
ونور عيني اللي عذبني
كان على غيري متولف
وانا اللي طريقي متخلف
في قطر الحب والدنيا
برغم اني اندبحت معاه
لكنه ف قلبي ميت دنيا
ومافيش منه ناس تانيه
انا عاشقه ومجروحه
وروحي فيا مدبوحه
وسيرة الحب جوايا
بالأستيكه ممسوحه
انا عاشقه ومجروحه
