حنان ع الماشي بقلم إكرام مجاور
خلاص حنيت يا قلبها ليا ع الماشي
وقلتيها وحسك فيها راح ماشي
وانا والأسوه قاتلاني وانتي بي ما عالماشي
وكنتي فين
وسكتي تايهه
وأحزاني مارحماشي
يا قسوة قلبك الحاني
دا ياما طويت دواويني
وقصيت الهوى فيا
ودفنت فيكي ألحاني
يا سايباني
ما انتي الروح
هاقولك ايه
كفايه ان انتي شايفاني
وعارفاني
ومش هتلاقي يوم زيي ولا ثانيه
لأن القلب اللي بيحبك
مافيش منه قلوب تانيه
فؤاد ما عرفش معنى الهجر
وقام صلى ف أديكي الفجر
فلو صنتيه
كان بيكي الوجود غنى
ووزع مسك واتحنى
وعاش بيكي سنين جنه
لكنه اتباع ومش يائس
وحبه فيكي مش بائس
مجرد اعترافك ليه على الماشي
جعل فيا جراح أنت ما رحماشي
وياه على قلبك الطيب
زرع فيا جراح الموت وراح ماشي
