اهداااااااء...الي اخواني الأعزاء (سعودي وبفتخر....كويتي وبفتخر..)الذين جرى بيني وبينهم مشادة كلامية عن مصر في احد المنتديات التي أكتب بها شعر العامية....
هذه الكلمات اهداااء لهم من اخوكم...(مصري وبفتخر..)....
أيوة مصري وبفتــخر.....
اني من أرضك يامصر..
أيوة مصري والزمن....
شاهد علينا في كل عصر..
مهما بدلّتوا الحقيقة...
مهما بالكدب افتريتوا..
التاريخ فاكر حكايتي....
يحكيهالكم لو نسيتوا....
في اليمن ضحيت بروحي...
وابتديت عهد السلام..
في الكويت نزفت جروحي...
بالسلاح... مش بالكلام..
لما أرض القدس نادت من سنين...
مين هيمسح دمعت الاقصى الحزين؟؟
مين هياخد تاري منهم...اليهود المعتدين..
كنت وسط الناربدافع... عن بلاد المسلمين..
لسة برضه بتسألوني......انت مين؟؟؟؟
أنا اللي هدمت أسطورة...
ودايماً رايتي منصورة..
وكل الدنيا مبهورة.....باجدادي... وأمجادي..
أنا المصري ومين قدّي؟؟....
بعيش أيامي في تحدّي..
يفوت العمر ويعدّي.......كفاحي عنيد.. ومش عادي..
باقولها بقلبي ومشاعري....
وكل الناس هتسمعني..
مفيش مخلوق هيمنعني......أعيش مصري واموت مصري......
بقلم...رضا محمود
