عرض للطباعة
ياسندبااااااااد.......
قلبك دليلك.....
شيل فوق كتافك غربتك...
اعلن رحيلك..
ساافر.. ولف بلاد...وطووف..
جرّب ....وشوووف..
ولمّا تشعر بالملّل...
افرش طريقك بالأمل..
واتحدى بيه كل الظروف..
من غير كسووووف..
مدام مفيش جواك شعور بالانتماااء..
والعيشة في بلادك غبااء..
شوفلك وطن...غير الوطن..
اقلع جذورك من هنا وارحل بعيد..
ساافر..مع الحلم الجديد..
ادفع سنين عمرك تمن...
شوف مين هيوهبلك وطن..
يمكن ساعتها تكون سعيد......
وتعيش حياتك سندبااااااد....
ياسندبااااااااااااااااد
بقلم....رضا محمود
الوطن
والغربة
جميلة جدا يارضا
تسلم إيديك
مصر على كده كلها سندباد
غربة برة مصر
وغربة جوة مصر
اْكيد موضوعك يحمل معانى جميلة جدا
وإحساسك وانته متغرب وشعورك بحنين للوطن
داخلك ثورة مشاعر
الله فى عونك
الوطن مش أرض ممكن تتوهب
أو كلمة ممكن تتكتب
عاوز تشوف معنى الوطن ؟
سافر بعيد عن الوطن
هتلاقى حاجه غريبه بتشدك إليه
طب هى إيه ؟
إحساس ف قلبك ؟
دمعه ف عينيك ؟
همسة ف ودانك بتناديك ؟
حب و حنين ؟
بعد السنين ؟
الوطن هو الأمااااان
مش المكاااان
الوطن يعنى إنتمااااااء
مش بعد و جفااااااء
تسلم أخى رضا على كلماتك الرااائعه و المعبره
بارك الله فيك
دمت بود و إحترام و تقدير
جميل ان تتسامر الكلمات وتتعانق الحروف
شوقا للوطن
ومزيج اقلام ..تكتب بنفس الاحساس
لك من التحيه اعذبها ..ودمت متالقا
فعلا كل حاجة مبنعرفش قيمتها
وغلاوتها الا لما بنبعد عنها وتروح مننا
كلمات جميلة يا رضا تسلم يمناك
دمت بكل الود والتقدير