جيتك حضن عاشق وهايم ومغروم
إفتح شبابيك الهوى جيتك اليوم
... بإحساس من زود الوله عده يطير
http://up.masrawycafe.com/upload/up7...f4b1ea3b1d.jpg
جيتك مثل طفلن له أيام محروم
... عن حضن أمه أبعدته المقآدير
وجيتك مثل عودن له أيام مهموم
... وده يلاقي بأخر الوقت تقدير
وجيتك حضن عاشق وهايم ومغروم
... وده يضمك لين تصبح على خير
متى تحس إن الهوى شي مقسوم
... من قسمة الخالق على خلقه يصير
ومتى تحس إني لك أطيح وأقوم
... وأتعب على شانك وأقدرك وآغير
لي في هواك أحلام وأمال وعلوم
... وأحزاب وأصحاب وقصيد وجمآهير
وهموم وأفكار وهواجيس وحلوم
... ودروب وأخطار وعذاب ومشآوير
وحب وغلا وإخلاص ومعاند ولوم
... وإحساس وإلهام وشعور وتفآكير
وصحبة سهر ومقاطعة لذة النوم
... وأشواق جياشه وعشق وتعآبير
في ذمتك مابان لك شي مكتوم
... من بعد ماصورت الأوضاع تصوير
لاتحسب إنك شي عابر ومعدوم
... وتاريخ حبك فاق كل الأسآطير
في كل شي أتخيلك وأسمعك دوم
... وأتأملك في الوقت الأول والآخير
من ماضي الأيام لايومك اليوم
... وغلاك عندي ماحصل فيه تغيير
وأنا لك الله ماأقبل البيع والسوم
... ولا أرضى علي ولاعليك المخآسير
لاْني الوحيد إللي على بحرك يعوم
... واللي عرف مرساه في رحلة السير
لحظه حبيبي قبل يسبقني النوم
... بضم صدرك لين تصبح على خير
