** مروان و العلقه التمام **

منقوووووووووووووووووووووو ووووول
=D>=D>=D>
=D>=D>

يوووووه !!! ايه الدوشه دي على الصبح كده ؟؟! هو انا مينفعش انام براحتي في البيت ده ابدا
(( دي أنا )):D

قومي يا بنتي كفايه نوم باه قومي شوفي اللي حصل ..
(( ودي ماما )):-*

ايه يا ماما سيبيني انام شويه النهارده اجازه ومفيش كليه عاوزه انااااااااااااااام

يا بنتي قومي شوفي اللي حصل لمروان
( مروان ده اخويا كائن هلامي عشوائي وحيد الخليه متعفن)
ملوش لازمه من الاخر يعني هههههههههههه

يا ماما في حد يصحي حد على الصبح كده ويجيبله سيرة سي بتاع ده عالصبح جرررررررر:D

ماما : صبح ايه بس يا بت يا هطله انتى هتخرفي احنا العشا يا بنتي !!!

انا : اه صحيح دي الدنيا ضلمه يبقى احنا فعلا العشا !!
يااااااه ايوه ايوه افتكرت ماهو طبيعي يا ماما بعد ما اضرب حلة المحشي الجامده اللي انتى عاملاها اروح في غيبوبه لدرجه اني مش مميزه ازا كنا الصبح ولا باليل !!

ماما : وحد قالك تاكلي بطفاسه ؟؟

اعمل ايه بس يا ماما ما المحشي كان جامد وانتي عارفاني بضعف قدامه

ماما : خلصي وقومي عشان احكيلك اللي حصل

حاضر يا ماما هقوم اهه ... جرررررر
طبعا قمت من السرير وانا بدعي على مروان وقرفانه منه :-& لانه السبب اني اصحي من النومه الجميله دي بعد حلة المحشي الجامده يم يم يممم مش قادره احكيلكو تحفه بجد ..
:-SS:-SS
خلاص باه مش موضوعنا

المهم اخيرا صحيت من النوم بعد ما ماما دخلت عليا بتاع 17 مره تقريبا عشان تصحيني

انا: خير ياماما ايه اللي حصل

ببص ناحيه الباب لقيت الواد مروان جاي وعلى وشه علامات الكسفه والاحباط والاكتئاب
[-([-(
مروان : خلاص باه يا ماما فكك من الحوار الفاكس ده

ماما :لا احكي لاختك اللي حصل مش اختك الكبيره دي لازم تعرف

بدات احس ان الموضوع كبير ما دام دخلت فيها
اختك الكبيره امممممم يا تري في ايه

مروان : مش هحكي حاجه وبس باه يا ماما سيحتيلي البلد كلها عرفت اللي حصل بلاش والنبي دي لوعرفت هتفضل تزلني سنتين قدام

الله !! هو الموضوع فيه ذل لمروان يا سلااااام ... يبقى طبعا لازم اعرف نيا هاهاااااا :))

انا : قولي يا ماما ايه اللي حصل باه !

ولقيت ماما بتقولي على طريقه سعيد صالح في مسرحيه مدرسه المشاغبين لما قال مرسي الزناتي انهزم يا رجاله !!
اخوكي انضرب النهارده !!!!!! :((

بصيت لماما بمنتهى البرود وقلت :
يا سلام يا ماما مصحياني من احلى نومه بعد ما ضربت حله المحشي الجامده وعملت احلى دماغ عشان تقوليلي مروان انضرب !! وهو ايه الجديد في كده يعني ما هو كل يوم بيجيلنا متروق من حد من صحابه عادي يعني يا ماما ما ده الطبيعي ..
لاااا يا ماما ملكيش حق بجد تصحيني من احلى نومه

... ولسه هكمل كلامي واسرح تاني مع حلة المحشي

لقيت ماما بتقولي لاااا يا مريم ماهي العلقه اللي اخدها اخوكي النهارده مش زي العلقه بتاعت كل يوم !!!!

اخوكيإتثبت في الشارع وانضرب !!
@-)
سرحت وانا بسال نفسي ماما عرفت الكلمه دي منين ويا ترى مروان اتثبت بمطوه ولا بايه وابتسمت ابتسامه شريره وانا بتخيل مروان متثبت ياتري ثبتوه ليه عشان الموبايل ولا عشان الهدوم زي احمد حلمي كده وتخيلته وهو بيقول المنطلون لا .....هههههههههههه
شريره انا مش كده ؟؟؟؟
@-)@-)@-)@-)@-)@-)
افقت من تخيلاتي على صوت ماما وهي بتقولي انتي بتضحكي على ايه انتي عاوزه تجننيني اقول لك اخوكي اتثبت وانضرب وانتي تضحكي !!
@-)
طبعا بسرعه بصيت للواد مروان وملامحي كلها جديه طبعا بمَثل آل يعني صعبان عليا اخويا هههههههههه شريره انا ههههههه طبعا كان لازم اوريه انه صعبان عليا عشان يحكي الموضوع واشمت فيه بعد كده براحتي ههههههههه
:))
خير يا ميرو حصل ايه يا حبيبي احكي مين ده اللي يقدر يمد ايده على اخويا حبيبي هههههه ؟؟
:|
وهنا بدا مروان الغلبان بالحكايه واليكم التفاصل مع حذف البعض لاااااا البعض ايه ؟؟
قصدي الكثير والكثير من الكلمات والمصطلحات الشيك اللي كان لازم تعدي على مقص الرقابه
=((
فجاه .. مروان لقى جارنا العزيز وصديق عمره محمد دوده ( دوده ده اسم الشهره طبعا ده نظرا لوجه الشبه الرهيب بينه وبين الدوده تقولوش اخوات في الرضاعه هههههههه)
المهم .. دوده جاي لمروان على بعد العصر كده
:-*
دوده : واد يا مروان ابويا نايم ومش هيصحى دلوقت وسايب مفاتيح العربيه على التلفزيون هااااا ايه رايك وبيغمز دوده غمزه خبيثه لمروان ... ههههههه وطبعا مروان بذكاءه المعهود فهم دوده عايز يقول له ايه
:D
مروان : قشطه يا دوده دي مش عايزه سؤال اديني خمس دقايق ازبط نفسي اضرب علبة الجل على شعري والبس الحته البنطلون الليفايس بتاع المناسبات السعيده والتي شيرت الكويك سيلفر الاوريجينال مش المضروب ماهو المشوار ده لازم الواحد يبقى متزبط كده ومتشيك فيه ( طبعا مروان خلص لبس بعد ساعه )
:-SS
دوده : الله يخرب بيتك يا مروان ابويا هيصحى وانت لسه بتلبس وبتتنيل ياعم الموضوع كله هناخدلنا لفه من المنتزه كده لحد بحري ونروح

مروان : ميمنعش بردو يمكن تكون في عربيه جنبنا حته جامده ولا حاجه الواحد يزبط نفسه بردو وبعدين متخافش يا دوده الحاج حمدي مش هيصحى دلوقت يا لا بينا يا معلم انا جاهز
=((
وانطلق دوده ومروان بعربية الحاج حمدي وهما في قمه السعاده وطبعا مروان مركز مع كل العربيات اللي جنبه واللي وراه واللي في كل حته مستني يشوف الحته اللي بيدور عليهاااا
:)
وفجأه وبدون مقدمات .... ان ان انننننن
شاف مروان حته جامده في عربيه معديه من جنبهم وراح متنح كانه اول مره يشوف بنت في حياته
@-)@-)
مروان : واد يا دوده هاتلنا العربيه اللي عدت دي يا واد فيها حته جامده

طبعا دوده وبلا فخر حمار سواقه ههههههه بس طبعا عامل فيها مش عارفه مين .. المهم الواد دوده قام طالع قدام وراح كاسر بمنتهى الغباوه على الراجل اللي معاه البنت و ال يعني بيعمل غرزه باه ومنحرف ولابس لبس منحرفين

طبعا الراجل راح فاتح الشباك وشاتمه شتيمه تمام .. في ايه ياد يا ابن الـ (تيييييييييييت) انت اتعميت يا ابن الـ( تيييييييت)

سووري يا جماعه الرقابه

طبعا دوده كرامته نقحت عليه راح قايل للراجل ايه مش عاجبك يا ابن الـ (تيييييييت) اهو انت اللي اعمى وستين اعمى كمااان
وكملو طريقهم ....
=D>=D>
وفجأه !!
راح الراجل كاسر عليهم وطبعا كان لازم دوده يوقف والا العربيه هتتخبط والحاج حمدي يبيته في قسم الكسور في المستشفى ..
=((
مروان ( اللي يتشك في لسانه) : لاااااا الراجل ده قليل الادب وعايز يتربى هما فاكرين البلد سايبه ولا ايه !!!
:))
وقبل حتى ما ينطق حد فيهم بكلمه تانيه لقوا اتنين حيطان نازلين من العربيه وجايين عليهم ...
طبعا مروان وهو مشهور بشجاعته اللا متناهيه اول ما شاف العيال اللي زي الباب نازلين من العربيه قاله :
اخلع ياد يا دودوه ده احنا هننطحن النهارده اخلع يا دوده بسرعه
:-&
طبعا على ما دوده ربنا يكرمه ويشغل مخه ويتحرك من مكانه كان العيال واحد على شباك دوده والتاني على شباك اخويا العزيز ههههههههه

الواد دخل ايده من الشباك و مسك مروان من التي شيرت وقاله جرى ايه يا واد يا ابن الـ (تيييت) انت والواد الـ (تيييت) اللي قاعد جنبك بتكسرو علينا يا واد وبتعاكسوا اختي يا واد يا الـ(تييييت) انت اتهبلت ياد انت ياااااد ؟!!
:-&
طبعا مروان في الاول عمل فيها سبع رجاله في بعض راح قايل له في ايه يا كابتن ما تحترم نفسك ملهاش لازمه قلت الادب يعني !!

الواد باه وشو احمر وخدوده اتنفخت قاله انت مش عارف انت بتكلم مين ياد يا (تييييت) يا ابن ال( تيييت) يا ويا وياا و يااا ................ مطولش عليكو روق مروان صح يعني
;;)
طبعا مروان باه مقدرش يستحمل اكتر من كده قاله لااا باه ده انت فعلا مش متربي وعايز تتربى ولسه هيفتح باب العربيه ............ لقى واحد ابن حلاااال نازل على وشه ...
طررررااااااااااخ
طبعا مروان حصل له حاله من الذهول وعلى ما فاق كان الراجل سابه ورايح العربيه بتاعته
مروان : لاتعليق !! حاله من التناحه والزهول

في الناحيه التانيه باه كان دوده الغلبان اول ما شاف الواد اللي زي اللوح نازل من العربيه قال لك بس الجري نص الجدعنه ..
الراجل التاني وقف له عند الشباك بيقوله
انت عارف ياد يا ابن ال (تييييت) لو كانت العربيه
اتخبطت كنت عملت فيك ايه ؟؟
دوده : خير بس يا باشا حصل خير
خير مين ياد يا (تييييت)
وراح الراجل من غير ما يسمح لدوده بأضافة اي كلمه تانيه رازعه واحد ابن حلاااال زي اللي الحج مروان خده تماااام
:-$
بس دوده زي ما انتو عارفين صحته على قده كل اللي قدر ينطق بيه ساعتها ( مش قلتلك طريها يا مروان عملتلي فيها سبع رجاله ) وكانت اخر كلمات دوده و بعدها فقد الوعي .....
@-)
اه نسيت اقول لكو ان مروان 16 سنه ودوده 19 سنه
:-*
اه صحيح اي تشابه في الاسماء او الاحداث فهو ليس من سبيل الصدفه هذه القصه احداثها حقيقيه 100% وحقوق النشر محفوظه في التلاجه هههههههه
:((:((:((
:((:((

Hooba=D>=D>