دار الزمان وضاق صدري وجاني

دار الزمان وضاق صدري وجاني
ليل(ن)طويلٍ(ن) في عيونك سريتة


طلبت ربي...ويوم ربي عطاني
غلاك..لأجله كل شئٍ فديته


يابنت شئٍ في عيونك خذاني
مدري خذاني شوق ولا خذيته



أعطيك عمري بسمتين..وأغاني
هو الوحيد اللي بعد ماعطيته



وأعطي عيوني لك ولاماكفاني
وأعطيك شئٍ مستحيل ولقيته



والله مدري كيف قدَّر زماني
وأبعد دروبي عنك وآقول ليته



ليته يجيبك لي..وأسولف وأعاني
عن هالظلام اللي بغربه..مشيته


مشتاق لك والشوق شب المحاني
نار ولهيب وجمر لا..ماقويته



محتاج لعيونك أبيها حناني
وأقول شوفي وين دمعي بكيته




يومي على لقياك يسري ثواني
ويومي على فرقاك عمرٍ(ن)قضيته




والشوق في نظره عيونك دعاني
والهم ياعمري تراني نسيته


سآفرت وأنتي ترسمين المعاني
دمع وحزن والله انا مابغيته


محلاه حظي في عيونك رماني
بعيون من هو ذاع بالزين صيته


ولو هو يطول البعد قلبك مكاني
راجع..وقلبي في يدينك رميته


لاتزعلى دامه زماني طواني
القلب بيتك والغلا بك شريته


وانا احمد الله انتي اللي عطاني
وكل العمر لك ياعيوني فديته