أنا الغلطان...ياست الكّل...سامحيني..
بقالي زمان...ونار بُعدك...بتكويني...
وجيت ندمان..بنادي عليكي..ضُمّيني..
أنا العطشان..لبحر عينيكي..يرويني..
وحشني النيل..ياأرض النور..وحشتيني..
وفاض الكيل..ومين غيرك...هيرضيني..
سهرت الليل..بقول لو يوم...ندهتيني..
هشيلك شيل..أضُمّك بين..رموش عيني..
تعبت خلاص..يابنت الناس...تعبتيني..
على الاخلاص..نحُطّ اساس..تعاهديني..
أكونلك ضي في الننّي..ولاتغيبي في يوم عنّي..
ولوتاه الطريق منّي....تمدّي ايديكي...تاخديني..
أنا الغلطان...ياست الكُل...سامحيـــــني...
بقلم.....رضا محمود...
