أية وصفك يا بحر .......؟؟
طلبوا منى اوصفك يا بحر
قولتلهم يارتنى اقدر
هوصف جمالة ولا سحرة
والشمس نازلة على موجة
بتلمع فى النهار زى اللؤلؤ
ولا اوصف نسيمة ويا رحتة
ونور القمر معلى ضية
ولا اوصفة زى انسان
حافظ على السر من الزمان
وساعدك على الراحة والامان
ولا اوصف خيالة فى الضحى
وهو بيلعب بالصدف على الشط
ولا ضحكتة ويا السمك
ويا الرمال المرسومة على شطة
زى لوحة نورت زينت البحر بجمالها
قولتلهم احترت انا فى جمالة
وسرحت ويا سحرة فى زمانة
عرفنا عنة حبيب العاشقين
وسهران الليل مع المجروحين
وعرفنا انة صديق الدمع الحزين
وحافظ على السر الدفين
قولى انت يا بحر ازاى اوصف جمالك
وانا قلبى سارح فى جنانك
طب قولى انت يا بحر
اية هو وصفك ويا موجك
ما انا ياما جتلك وقت ضعفى
ورميت معاك كل همى
وارتحت راحة الحبيب يوم
لقى حبيبة بعد غيب
طب قولى اية اوصفة فيك
ما احترت انا فى جمالك وامانك
قولتلهم اعزرونى واعفونى
دا البحر اغلى من نور عيونى
ويصعب عليا وصفة
واخاف اظلمة بجفونى
من كتر سحرة وجمالة
احتار الشعر فى خيالة
