السلام عليكم ورحمة الله
كما هي العادة وأنا ذاهب لعملي صباحا أحب دائما الجلوس بجوار شباك الميكروباص اللي بيوصلني للشغل وأثناء وقوفنا المعتاد في إحدى الإشارات اللي أعتقد أن السيارات اللي أمامها موجودة منذ افتتاح الطريق وفجأة رأيت منظرا معتادا لأتوبيس عام فاضي ليس به سوى 300 راكب فقط والجميع يقف في هدوء وسعادة وانبساط ولكن رأيت أحد المواطنين السعداء برضه يضع رأسه على شباك الأتوبيس وينظر للشارع ولكن بعين واحدة فقط والعين الأخرى تنظر داخل الأتوبيس وتخيلنا معه هذا الحوار
أنا:صباح الخير يا مواطن يا سعيد
المواطن صباحك تيييييييييييييييييت
أنا:يا ترى أحوالك إيه النهاردة
المواطن:النهاردة 23 من الشهر الجميل.
أنا:مش فاهم.
المواطن:يعني خارجين من رمضان والعيد ودخلنا في المدارس
أنا: طبعا رمضان جانا وفرحنا به والعيد فرحة ماااااء لكن المدارس اتغير حالها في وجود الوزير الجديد
المواطن:فعلا المدرسين بيحضروا والعيال بيحضروا لكن التعليم نفسه لسه ما حضرش
أنا:ما تقلقش التعليم هييجي إن شاء الله والغايب حجته معاه
المواطن:ربنا يمتعه بالسلامة
أنا:يا عم التعليم بقى زي الفل وكله تمام ده كفاية كادر التعليم.
المواطن:كادرإيه يا عمونا قادر يا كريم يستجيب لدعوات 80 مليون.
أنا:خلاص ما تزعلش نفسك طب تحب آخد لك صورة
المواطن:لأ طبعا عشان تعملها بالفوتوشوب وتحطني قدام سواق الأتوبيس عشان يرميني من فوق الكوبري
أنا:لأ طبعا أنت فاكرني شغال في الأهرام.
المواطن:حتى لو مش شغال أصلا ما تصورنيش.
أنا:أنا مش عارف أنت عصبي ليه.
المواطن:لما تكون الجزمة ضيقة عليك مش بتتضايق؟
أنا:طبعا بأبقى بأخانق دبان وشي.
المواطن:أهو أنا حاسس أن البلد كلها ضاقت علي.
أنا:عندك حق! بس أنت ليه بتبص على الطريق بعين واحدة ليه؟؟
المواطن:عشان أتفرج عالدنيا وحلاوتها عالعربيات الجديدة عالعمارات العالية والناس المرتاحة وعيني التانية بأبص بيها على الناس اللي جوه الأتوبيس وأفتكر العيشة اللي احنا عايشينها وعشان ما أحلمش كتير.
أنا:وليه ما تحلمش كتير؟؟؟
المواطن: لأن حلم الغلابة بسيط ومن كتر بساطته مش عاوزين يحققوه لينا
أنا:طب إيه أخبار الحكومة؟؟
المواطن: حكومة يا نهار أسوس يا عمي أنا عندي فراخ عاوز أربيهم عشان أدبحهم عالعيد الكبير !! بلادي بلادي لك حبي وفؤادي وما تقولش إديتنا إيه مصر و ....
أنا: قاطعته يا عمونا مش قصدي الحكومة اللي في بالك أنا قصدي الجماعة
المواطن: الأخوان!!! ليه أنت فاكرني وحيد حامض كده شكلك هتودينا جوه الشمس
أنا: مش كان بيقولو ورا الشمس
المواطن:بيقولو بقالهم 30 سنة ورا الشمس يعني أكيد خلاص بقى زحمة ورا الشمس فقالو يخلوهم جوه الشمس عشان الجو حار
أنا:يا عم مش قصدي جماعة الأخوان أنا أقصد المعتقل
المواطن: هو فيه معتقل أكبر من البلد اللي احنا عايشين فيها
أنا:يا عم قصدي مراتك أم العيال
المواطن:"وهو يتلفت يمينا ويسارا" قصدك أم الخير وصمام أمان الأسرة الكريمة دي أهم حاجة في حياتي دي معزتها من معزة الشعب للحكومة ومعزة وحيد حامض للأخوان وكفايه أني عايش في كنف معتقلها.
أنا:طب خلاص أنت هتعيط!! طب إيه رأيك في القمة العربية؟
المواطن:طبعا الأهلي هو اللي هيكسب وبيب بيب الخطيب والعب يا بيبو
أنا: يا عمي اصحى بقى بيبو اعتزل منذ زوربيح من الزمان ومرتضى منصور رجع للزمالك أنا بأكلمك عن قمة العرب في بغداد
المواطن:إيه ده هوصدام رجع؟؟؟؟
أنا: يا عم صدام الأمريكان أعدموه في العيد زي الخروف
المواطن :بجد هو فين الخروف طيب
أنا:راح يصيف في جمصة قبل ما يعمل عملية انتحارية في العيد الكبير يا عم أنا بأتكلم عن القمة العربية اللي بيتجمع فيها الرؤساء العرب
المواطن:بجد هو فيه رؤساء عرب بيتجمعوا اللهم إلا في جنازة الرئيس الإسرائيلي الله يحرقك يا شارون
أنا:أيوه هيتجمعوا في بغداد
المواطن:طب والأمريكان اللي في العراق هيحضروا برضه
أنا:طبعا بصفتهم حكم أجنبي عشان الحكام ما يتخانقوش على الساندوشتات
المواطن:فكرتني والله أنا جعااااااااااااان
أنا:أجيب لك ساندوشت زلابية
المواطن: زلابية !!!!!! أنت تقرب لدكتور ميدو؟؟؟\
أنا: قريبي من بعيد يبقى خال ولاد أختي!! تحب أبلغه حاجة
المواطن:تشرفنا سعادتك أنا معجب جدا بكتاباته وياريت تقول له ما يكتبش تاني كفاية عليه كده عشان الجوانات هتبوظ.
أنا:احنا أسعد.
أنا: إيه ده الإشارة فتحت بدري النهاردة احنا ما وقفناش غير ثلاثة ساعات بس
المواطن:عمار يا مصر
أنا:تحب تقول إيه في نهاية موضوعنا
المواطن:تيييييييييييييييي� �ييييييييييييت
وتحرك الأتوبيس نحو غد مشرق بإذن الله وتحيا مصر
