http://dc13.arabsh.com/i/02508/ub6fllyrsjgl.jpg
أوعاك ياقلبى يخدعوك وعن حبايبنا وجيرانا وأهلنا يحاولوا يفرقونا
طول عمر الهلال حاضن صليب وضمه بقلبه وأيد شيخنا مع أيد أبونا
أوعاك يقولوا مسيحى ومسلم دة الرب واحد والوطن واحد وهما بيظلمونا
حاسب من نار الغدر حاسب من كلمة شر دى العشرة بينا وعمرهم ماهاينسونا
واحلف بكل قطرة دم أتهدرت من شيخ وطفل وطفلة وشاب وشابة قدام جامع وكنيسة
واحلف بكل صرخة ألم وبكل حرقة ندم وبكل دمعة عين نزلت منا مقهورة وحزينة
واحلف بوحدة مابينا زادت وقويت وبتصرخ للعالم يحيا الهلال مع الصليب صرخة جريئة
موتوا بغيظكم موتوا بحقدكم عمر الفتنة ما هاتكون بينا عمر الفتنة بينا ماهاتكون غير قصيرة
دة اللى بينا حضارة دة اللى بينا أصالة اللى بينا وحدة واحدة قوية قدام الجهل جريئة
ويامحمد ويا أحمد ويابطرس ويامينا خلى بالكم العين علينا عاوزين الخراب للمدينة
خلوا الأذان والأجراس يندهوا بحب فينا دة طول عمرنانسى أخت لفاطمة وخديجة
أوعاكوا تصدقوهم وبفتنتهم يخدعوكوا دة البلد بلدنا والوطن وطنا والقلب واحد
الرب واحد فى مصرنا الحبيبة
د. جيهان النمرسى
