اعمل فيك ايه.ياحبيبى؟؟.بالله عليكم ادينو رايكو

السلام عليكم اولا....

انا عندى 19 سنة فى كليه اداب اتعرفت على شاب محترم فى كليه التجارة عندو 21 سنة ...كنت فى الاول معجبة بيه لكن حبيتو اوى بس كنت عايزة علاقتنا دى تبقى فى اطار رسمى....بس طبعا هو لسه مخلصش كليه ف مينفعش يتقدم

بعد كدة لقيتو هو اللى طالب يكلم اهلى وفعلا ثبتلى نيتو الكويسة وكلم امى واتفق معاها اننا نستحملو شويه لحد مايخلص كليتو ....وربنا يعلم انا فعلا عندى استعداد استحملو بس هو طريقتو اتغيرت ومبقاش مستحمل اى حاجة منى بس بعد كدة بيصالحنى ويعتذر لكن دى حاجة تزهق وتخنق والاكتر برضو.....
انو على طوول عايزنى انزلو ومبيفكرش فى انى ممكن اكون مش فاضية او ورايا حاجة وكمان بيرجع ويقولى بلاش بس طبعا بعد مايقلبها نكد عليا وساعات بحس انو بيدقق على مشاكل تافهة اوى

انا كلمتو كتيير اوى بس مفيش فايدة انا خايفى ابعد عنو عشان مظلمهوش وكمان هو ابتدى ميكلمنيش وبتوصل بيه الدرجة انو يرنلى وانا اتصل بيه ولما اقولو انت ليه بتعمل كدة يقولى انا ظروفى وحشة اليومين دول طيب انا استحمل دة ولا اعمل ايه ...............
انا عارفة انى لكاكة بس انا نفسى حد يساعدنى برايه :-/:-/:-/:-/:-/:-/:-/:-/
بالله عليكم ماتبخلوو عليا بالرد

بص يا قمر هو اكيد بيحبك ولو مش كان بيحبك ماكنش جة واعتزلك يعنى ما كنش زعلك يبقرق معاة لكن هو بيحبك وفى الاول بتبقى الاراء مختلفة ولكن بعد كدة بتتفق معلش اصبرى عليه شويه

:">ميرسى يا اسراااااااااااء على ردك دة يا بلدياتى انتى ياجميل يا اسكندرانى:-*:">:">

بصى يا جميلة افضل وسيلة لو انتى كنتى محتارة فأى حاجة مع الشخص المرتبطة بى هو الكلام انك تكلمى وتسئلى واذا كانت اجابتة زى ماهو بيقول كدة ان الظروف وحشة فى ولاد بيحتاجوا الطرف التانى فالوقت دة بالذات يكون جمبه وفالحالة دى انتى لازم تستحملى ونوع تانى من الولاد بيكونوا حاسين بمشكلة ومش عايزين يدخلوا الطرف التانى معاهم او يحملوهم الهم وفالحالة دى انتى لازم تستحملى وتبعدى عنة لحد ماهو يجى ويتكلم معاكى ويقولك انة بقة كويس وفى ولاد اخرى بتكون عايزة تخلع ;) المهم انك تفكرى بعقلك فاللحظة دى وانتى اكيد هتفهمى هو بيعمل كدة لية ...وعايزة ااقولك على حاجة مش مقياس انة كلم مامتك
ربنا يسعدك ويكتبلك اللى فى الخير يا قمرا

انا نصحيتى ليكى
خدى راى مامتك
لان مامتك اكترلا واحده فى الدنيا هاتخاف عليكى
حتى لو رايها مخالف لرايك
هاتفهمى الكلام ده بعد ماتتجوزى
نصيحه خلى مامتك فى الصورة

بس من غير تعصب لخطيبك

انا زيك محتارة اقولك ابعدى عنه ولا اقولك حاولى تعرفى ظروفة يمكن يكون صادق بس اللى يقلق فى الموضوع تغيره زى مابتقولى لو حاسة فعلا ان تغير فى طريق معاملته لكى او فى طريقة كلامه انصحك ان تتركيه وتبلغى ماماتك بهذا التغير
وانت لسه صغيرةقدامك الحياه فيها اختبارات اقوى اهم حاجة اهتمى بدراستك

انا رأي انك تتقلي شويه وهولو بيحبك بجد معامتله هتتغير علشانك ومش هيطيق يبعد عنك ولو ثواني واحتمال يكون عندة مشكله واحتمال كبير يكون عايز يخلع وانك كنت في حياته مجرد مرحله وخلاص مكنش دا حب بالنسبه ليه كنت حاجه غامضه في حياته ولما قرب منك خلاص راح الانبهار بيكي
انا مش عايز اظلمه كل دا احتمالات ممكنه
كل اللي اقدر اقوله انك لازم يكون ليكي شخصيه وكيان ومش تخليه يحس انك رخصيه بالنسبه له لازم تيجي ع نفسك شويه واكيد الايام القادمه هتعرفك انتي ايه بالنسبه ليه
وخليكي فاكرة دايما البدايه بتبقي عند الرجل واللي بيحب حب حقيقي بيتكلم بالساعات مش بيقعد يرن ع حبيبه
سوري للاطاله
وبأتمنالك السعادة في الدنيا والاخرة
اخوكي عمار

انا رأيي ان المشاكل الكتير في المواضيع اللي زي دي بتقتل الحب
بس بردوا خلي في صبر من جهتك عشان مايجبش اللوم عليكي
ويقول انك مااتحملتيش لما كانت ظروفه صعبه
وحاولي كمان تحطي حدود للي هو بيعمله دا
لانه لو خد على كدا مش هاتعرفي تسيطري عليه
ومش لازم تبقي ضعيفه معاه
مش معنى انك بتحبيه
تتخلي عن حقوقك


تحياتي

اولا مساء الخير

لازم تقعدوا مع بعض وتتكلمو ا

لو عنده ظروف وحشه تبقى معاه وتعرفى اسبابها وتحاولى تخففى عنه

الرجل بجد بيبقى مخه مشغول كتير وبتبقى مساحات الوقت عنده قليله

لازم تقربوا من بعض اكتر

وربنا يوفقك ويسعدك

تحياتى

شكراااااااااااااااااااااا ااااااااااااااااااااااااا لكل من ساعدنى بجد الله يخليكم وادعولى ربنا يوفقنى