روحى عندِك ، إنت نفسى (محاورة بين حبيبين )
هذه الخاطرة بلسان المذكر عن حبيب يحدث حبيبته الغيورة
بعنوان / روحى عندك
روحِى عنْدِك
إسْألِيها
وحَلِّفِيها
لو فى يوم
قِسيت عليها
أو عرفت
واحدة تانية
ولا قلبى
مال إليها
أنا
ماأعرفش
ف حياتى
غيرك إنتِ
ياأمسياتى
سهرى ليكى
وعايشة فيها
إسالى روحى
تقول لك
عن حنانى
وشوقى ليكى
بنتظر منك
نهاية
لغِيْرَة مدفونة
ف عينيكى
أشرحى وأتكلمى
كل حاجة
خايفة فيكى
مش هاتجاوبك
عينيَّا
ولا لمسة
من إيديَّا
مش هاتطول
القضية
هى كلمة
واحدة ليَّا
يقولها قلبى
ولا نبْضُه
ولا ليلة ف
عشق سُهْدُه
تقولها روحى
بكلمة صادقة
مِنِّى لِيِكِى
مصدقانى
ولا أحلف
لك ياغالية
بنور عينيا
وحبى ليكى
ترد عليه حبيبته وبكل رقة إنت نفسى
مش راح اسأل
عنى نفسك
ماانا عارفة
قبل منك
إن أنا
روحك ونبضك
وأنا إحساسك وكلك
عُمْر غِيرتى
ماجات فى قلبى
إلا لمَّا
فاض بى حبى
وجوة قلبك
شُفْْت روحى
رايحة جاية
لِيك ومِنى
روحى هايمة
بَسْ فِيك
نَبْض قَلْبِى
كُلُّه لِيك
شُوف أهَاتى
وتنْهِيِدَاتِى
حتى كل
سِنين حياتى
حتى أجمل
ذِكْرَيَاتِى
كُلِّى مِتْشَوَّق
إليـــــك
نَفْسِى إيه
ماهيَّّا نفسك
كل إحْسَاسِى
فِى قَلْبَك
كُل عُمْرِى
أعِيْشُهُ جَنْبَك
مهما تتْغَيّر حياتى
ومهما أقاسى
سنين فى حُبَك
إِنْتَ نَفْسِى
وَأَنَا نَفْسَك
نور الحرف
