اه واه والف اه بس مش من شربات
اه علينا ومننا ع اللى عدى ومن اللى فات
بعلو صوتنا قولنا اه وفجاه كترت الاهات
طب وبعد الاهات مش هنخلص من دى حكايات
هنفضل نصرخ وف كل اه مش هيرجع اللى مات
كل ما تطلع الاه مننا بنتوجع ونزيد انااااااااااااات
بنقول اهات على حد مات ومش عارفين انه ارتاح
بدل الضحك والشموع اهات ودموع ف الافراح
اه ع كل لحظه تفوتنا ف حياتنا وع عمرنا اللى راح
واه بتطلع لو مرتاحين وصدرنا يكون ف انشراح
شهيد بتطلع منه اه وبتسيب ف قلوبنا جراااااااااح
واه تانيه من اهل بلده لان ساب بينهم براااااااااح
كل يوم اهاتنا تكتر وتزيد ويزيد الصداااااااااااااع
اه بتكبر مع كل واحد ولكل جيل اه بانواااااااااااع
اه ع طفل ف الشوارع اهله طردوه او حتى ضاع
اه ع شاب ابتدى طريقه باى حته ف جسمه بااااع
اه ع بنت باعت شرفها وعاشت حياتها ف الضياع
اه ع شيخ كبير بيشحت عشان ياكل لو مره جاع
بس ايه فايدة اهاتنا لما بنكون مظلوميييييييييين
وكل اه واه بتطلع باعلى صوت ومش مسموعين
ومش هنقول غير الاه وياخلق هوووو ليوم الدين
اهات بتكتر وكلام يقل هنفضل لامتى مكتوميييين
الاه دى كلمه مش بيقولها غير الضعفا والمساكين
وبتتحول الاااه ل هاهاهاها مع الكبار والمسئولين
اهاتنا واحده بس بتفرق ف يوم نجاح او يوم ندامه
اه بالم جرحت قلوب واه بفرحه وطارت حمامه
واصعب اهات كانت ف يوم مفهوش فرح ولا اى ابتسامه
اهات الغدر والالم واهات ارامل واهات يتااااااااااامى
واجمل اهااااااات كانت فى يوم الشروق يوم الكرامه
كانت ف رمضان الكريم لما قولنا لعدونا بالسلامه
لو واحد ف الدنيا مقلش الاه دور هتلاقيها جواااااه
تلاقيها ف حلم تلاقيها ف رؤيه او حتى اه ف صلاه
بطل كلمة اه ف الحزن وسيب الياس والهم انسااااااه
متقولش الاه ف نجاح او فرح او حتى بعد نجااااااااه
لو قولت الاه حط حرفين قبلها هتبقى حيااااااااااااااااه
واحلى اه لو حرفين فى النص هتبقى الله الله الله الله
