دعوة للحوار الهادف .. في حب مصر

السلام عليكم ورحمة الله وبركاته

ان شاء الله الجميع بخير
الفترة اللى فاتت كل الناس عرفت ممكن الانترنت يعمل اية
قررت النهاردة فتح القسم ده " مصر "
لمناقشة الاحداث الماضيه فى مصر بهدف الحوار الهادف والبناء

اتمني من الجميع ان الحوار يبقي هادف ومواضيع القسم تفيد
واكيد هيبقي في ناس كتير مختلفه بس في الآخر كلنا مصريين وبنحب مصر

ممكن تبدأ موضوعك دلوقتي فى القسم من هنا

موضوع مواكب للاحداث الحاليه
احداث كثيره حدثت
سلبيات وايجابيات
اصدقاء واعداء
وبالاخير ستظل مصر هى اتفاق الجميع
خالص تقديرى للموضوع الهادف

اود ان اقول رايى بكل حريه فى هذا المنتدى اولا انا لا انتمى الى اى حزب او حركه فى مصر فانا لا احب مثل هذه الشعارات والاحزاب المزيفه وهذه هى الحقيقه ثانيا انا اقول وبكل صدق ومن قلبى ودون اى نفاق فالوقت الراهن لا يحتاج الى نفاق او رياء انا بحب الريس واحترمه واقدره واقدر تاريخه العظيم وانجازاته ويكفى انه طول مدة خدمته لهذا الوطن كنا نعيش فى امن وامان الذين افتقدناهم فى هذه الايام القليله لماذا تنكرون كل هذا هكلمكم بقى بالعاميه دلوقتى انا معاكم وموافقه ان فى فساد كبير فى اليلد وشباب كتير مش شغاله وناس كتير مش لاقيه تاكل بس ده مش فى مصر بس ده فى كل العالم ده يمكن فى بلاد اكتر مننا وبعدين فجاه كده افتكرتو للريس كل الوحش مفيش حاجه حلوه ابدا عملها فى مصر مفيش خالص يا ناس حرام عليكم ده رمز من رموز مصر فى حد يعمل فى رموزه كده فى حد يفضح ابوه قدام الجيران بالشكل ده ويقطع صوره ويحرقها ويهينه انت مش عارف انك لما بتهين ابوك مش هنقول ايوك انت مش عارف لما بتهين ريسك اللى بيحكم وطنك اللى جنسيته جنسيتك ده بيهينك انت ايه اللى بيحصل ده كلنا عارفين ان قناة الجزيره وانا اسفه انى بذكر اسمها على لسانى لان هى اقل من انا اتكلم عليها قناة الجزيره لو متعرفوش حضراتكم بتمويل صهيونى يعنى بتمويل العدو يعنى تبقى من الاعداء فى حد ممكن يظهر على تليفزيون العدو ويتكلم ويهين كرامة مصر كده الناس كلها بتتفرج علينا حرام عليكم اللى شمتان فينا واللى زعلان علينا واللى فرحان فينا واللى صعبانين عليه احنا مصر الناس تشوفنا كده ده احنا مصر مصر مصر يا اخواننا مش هكتر اكتر من كده فى كلامى بس ده رايى وعلى مسئوليتى انا عندى كلام كتير نفسى اقوله انا عندى كمية غضب لا توصف بس هيجى وقت تانى واقولها حد يرد عليا بقى عاشت مصر وعاش الريس والسلام عليكم ورحمة الله وبركاته

صح لسانك اخت لبنى اكيد الريس ميستهل يتعمل فيه كده وياشباب مصر انتو عايزين التغيير بس مش في يوم وليه ماعندناش مصباح علاء الدين لتحقيق كل احلامكم في غمضة عين بس المهم تصبروا على الحكومة الجديدة وشوفوا لو محصلش تغيير انزلوا واعملوا مظاهرات المهم بلاش تسمعوا لاعداء مصر لان اليد الخفية التي تعمل خلف الشعارات هم دود الارض ولازم يرجع لمكانه الصحيح ياشباب مصر الواعي انا معكم اننا عايزن احوالنا تتغيير ولكن منضيعش تاريخ مصر انتوا فرحتوا اعداءنا بالدمار والخراب الي حصل شوفوا كام حجم الرعب الي عاشوا فيه اهلي واهلك والحزن الذي غيم على مصر اصحوا ياشباب قبل فوات الاوان وشوفوا الحبيب من العدو عاشت مصر فوق الجميع وان شاء الله ديدان الارض ترجع او تنتهس بالاقدام لان هذا مقدرها عندنا والسلام عليكم ورحمة الله وبركاته

السلام عليكم و رحمة الله و بركاته
اؤيد كل كلمة من كلام الاخت لبنى و يجب علينا الحفاظ على كبرياء مصر فى رئيسها و نعلم الشعوب معنى التسامح فى اللحظات الحاسمة
اعتقد ان مصر و بلدنا محتاجة لعملنا نحن اكتر من احتياجها لمظاهرة جديدة لاسقاط الرئيس او الحكومة و يجب ان نعترف ان المظاهرات الفترة السابقة نجحت نجاح باهر و ما ترتب عليها من تغييرات هو بداية و ليس كل النتائج و علم كل من هو فى السلطة الان ان الشعب المصرى لن يصمت على اى مخالفات فى المستقبل و يجب على اخواننا الشباب عدم الانجراف وراء الاحزاب حيث كل حزب له مطامع شخصية و يريد تصفية حسابات شخصية على حساب بلدنا . ارجو ان هذه الرسائل البسيطة تصل لاخوانى و كل شباب فى مصر

وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ

بسم الله الرحمن الرحيم

بدون مقدمات 00 أتمنى من الله العزيز الرحيم 00 بأن ينزل الرحمه فى قلوب المصريين ويرحم مصر وزعيم مصر ( الرئيس حسنى مبارك ) الرجل ده قلبه على هدا البلد 00 كان ممنكن أن يرحل ويسب البلذ تولع 00 صدقونى والله العظيم الرجل ده قلبه على البلد 00 ويكفى أن هدا الرجل على مدار ثلاثين عام لم ندخل فى حرب ولم يكن هناك قواعد امريكيه على أرض كما هو موجود فى قطر ودول أخرى 00 وعلى فكره أن رجال موظف ومرتبى 650 جنيه يعنى متضرر ومعى ثلاث أولاد 00 ولكن لابد أن نفتكر للرجل اى حسنات له خلاص مفيش حاجه عمله حلوه على مدار الثلاثين عام00 وللاحاطه فى هدا المظاهرات بوجد كثير من الجواسيس التى تندس بين الشباب المتظاهر - مثل ( من يوزع على الشباب لافتات باللغه الاجنبيه - بإنتهاء الوقت يا مبارك - من يوزع الاطعمه والفاكهه على هدا الحشد الهائل من المتظاهرين ) كيف خرجت جواسيس حزب الله من السجون ودهب الى غزف وتكلموا فى العربيه - كيف تقول ايران هدا اليوم 2/2/2011 ببى بى سى العربيه ان آان الاون لجعل الحكومات بالدوله العربيه حكومات اسلاميه ( انا مسلم ) وللاحاطه فى هدا الخطاب الرئيس أمس قال أنه لاينوى الترشح للرئاسه مرة أخرى - أعطوه الفرصه يعمل خير لهدا البلد قبل رحيله - وصدقونى مفيش معارضه حقيقيه فى بلدنا - كل هدا المعارضه ( مرتزقه ) ويعملون لصالج إسقاط هدا البلد 00 والدى ينتظر له أعدائه بسقوطه 00 اتقو الله فى هدا الرجل واعطوه الفرصه وهو الحكومه الجديده 00 واظن ان ميدان التحرير اصبح مفتوحاً امام المواطنين للتظاهره واظن ان الشرطه استحاله تقف فى طريق المظاهرات السلميه مرة اخرى 00 شباب مصر برجاء الهدوء والانتظار 00 لان المجهول قريب من المصريين ولااحد يعرف ما المجهول

مصرى واتمنى لهدا لهدا الرجل بأن يخرج بمصر من هده الازمه الخطيره على 00 حفظ الله المصريين ومصر

السلام عليكم
انا بصراحة تأثرت كثيرا بكلام الريس وبقول للشباب اللى عايز الريس يمشى دلوقتى لا
ارحموا عزيز قوم زل وقروا كبيركم وبصراحة مهما كانت غلطاته ممكن يصلح كتير فى الكام شهر اللى باقيين وكفايه انه بيشهد التاريخ على نفسه

السلام عليكم
الحقيقه مش عارفه اقول ايه غير حسبنا الله و نعم الوكيل
ليه ليه الاب يتهان ويتبهدل ليه يا مسلمين الاسلام قال كده مصر قالت كده اتربيني علي كده حرام يا شباب
فكروا شويه بعقولكم فكروا قبل ما نتدمر يا ريت الكلام يوصل للي في ميدان التحريرولكل المصريين

والله كلام صحيح
والشاهد ما يحدث الان فى ميدان التحرير
مدسوسين باسم التاييد صح
اب يقتل اولاده صحيح ونعم الابوة

بسم الله الرحمن الرحيم ..
معلش سامحوني اني أقولكم اني مخالفة لكل كلامكم وماتزعلوش مني :-O:-O

أولا : الرئيس لو كان عايز يغيركان غير من زمان .. طيب هو بقالو 30 سنة في حكم مصر عمل إيه غير ان كان عميل لأمريكا وهو دا سبب الامان لان عميل فبالتأكيد مافيش حد يقدر يحتل مصر ..

ثانيا : موضوع إنو مش راضي يسيب البلد في الظروف دي مش عشان خايف علينا دا كل عشان يعمل فتنة بين الناس وأكبر دليل إن حاليا طلع مؤيدين للرئيس والمشاكل ازدادت أكثر من أول وبقى في اشتباكات بين المؤيدين والمعارضين رغم ان أغلبية الشعب مش عايزه وطبعا دا واضح جدااااااااا من اعداد المتظاهرين . المؤيدين على حسب ماسمعت 10 الآف . أما المعارضين 8 ملايين .. يعني تقريبا الشعب كله مش عايزه يفهم بقى ويمشي زي ماعمل رئيس تونس ..:(