أسطورة في حب مصر .... بقلم إكرام مجاور
أسطورة في حب مصر
قالو زمان
الصبر مفتاح الفرج
ومافيش حرج
نهتف بإسم بلادنا مصر
نقوم بثورة
تكون تاريخ لكل عصر
همة شباب
جواها حب ما لوهش حصر
قالو بلدنا وأمنا
والحب دم ف دمنا
فداها روحنا كلنا
والمجد سطر حبنا
اسطورة تحكيها الأمم
عن حب يغلى
بالحمم
تحرق تبيد
انا شعب مصر
وحبي نار تتني الحديد
لأننا من أصل حر
ومستحيل نكون عبيد
مدينا ايدنا أيد ف أيد
وعملنا ثورة بالعديد
تعدادها ميت مليون نفر
في حبها
ما تقولش فيه واحد كفر
مسلم مسيحي
ضفّر مشاعرة في حب مصر
كتب التاريخ بقلم ضلوعنا
ودمنا كان له مداد
سطر تاريخنا يا زمن
بين العباد
سطر وقول
ولادنا خرجو م الكفن
حتى الرضيع
كتب التاريخ
من قبل ما يسيب الكافولة
ويتختن
سطرنا أحلى الأمنيات
وبدأنا عصر المعجزات
ودوسنا فوق كل اللي فات
وقولنا أهلا يا وطن
أهلا بحُبك يا وطن
