طريقة عمل شاورمة اللحمة واللة احلى من المحلات
احبائى عامليين اية انا اول مرة اشارك فى منتدى الطبخ بس عندى وصفة جميلة واللة احلى من المحلات وجربوها ومستنية آرائكم
المقادير:
1 كيلو لحم شرائح
1/3كيلو ليية خروف
1كوب ذبادى
1/4كوب خل
م/ص ملح
1/2 م/ص فلفل اسمر
1/2 م/ص كزبرة
1/2 م/ص كبيبة صينى
1/2 م/ص قرفة مطحونة
فصين ثوم وقطعة صغييرة جنزبيل بحجم فص الثوم
2بصلة وسط
2حبة طماطم وسط مقطعة طرنشات صغيرة
1 فلفل الوان[ اخضر -احمر - اصفر ] مقطع طرنشات صغيرة
حزمة صغيرة بقدونس مفرومة
الطريقة :
تقطع اللحمة مثل حجم الاصبعيين (السبابة والوسطى ) وتوضع فى صنية الفرن ثم تقطع الليية بحجم اصبع واحد ثم توضع فى نفس الصنية ثم تفرم البصل مع الثوم مع الجنزبيل ويوضع فى الصنية ثم تضعى الذبادى والخل والملح والفلفل و والكبيبة و القرفة و الكزبرة ثم تقلب جيدا ثم توضع فى الثلاجة على الاقل اربع ساعات طبعا كل ما كان اكثر كان احسن انا بعملها من بالليل بس ساعات ببقى مستعجلة المهم بعد النقع لفى الصنية بالفويل (ورق الالمونيم) ثم يوضع فى الفرن لمدة 50 دقيقة ثم طلعيها وضعى عليها الطماطم والفلفل والبقدونس ثم غطيها مرة اخرة وضعيها فى الفرن لمدة 15 دقيقة طبعا لومحتاجة ملح او محتاجة تستوى اكثر دا زى ما تحبيها تخرج من الفرن توضع فى عيش كيزر اوبيتى بان مع سلطة الطحينة
وبالهنا والشفا ارجوا رايكم:x:x
