انا ومصر والخوان اللي مش مسلمين

بسم الله الرحمن الرحيم
اولا انا بتاسف اني بقالي فتره طويله جدا ما باشاركش معاكم بس ارجوكم تسامحوني............
انا هتكلم انهارده في موضوع اتكلم فيه ناس كتير منكم عن احداث 25 يناير واللي حصل في بلدنا العظيمه مصر
بس انا هتكلم عن حاجه صغيره بس ممكن تكون ليها مغزي كبير
هسالكم سؤال وياريت الاقي رد مقنع ليه
هل يمكن لاي دين انه يكون من احد مبادئه العنف والتطرف؟
انا عايز اعرف ليه كل اللي يحب يكون متطرف او ارهابي او اي نوع من انواع الخراب والدمار يلصق نفسه بالدين ويحاول يظهر انه هو الوحيد اللي بيفهم وبيطبق تعاليم الدين انه الدين من وجه نظره هو بس هو الدين الصحيح وان ما يحدث من حوله مخالف لتعاليم الشرع والدين
وليه كل واحد من الناس دي بياخد اللي علي مزاجه من الدين ويسيب اللي ما يمشيش مع مبدائه...
هو الدين بيقول انن نروع ونسرق وننهب ونقتل ونغتصب حق مش من حقنا ..
انا عارف ان اللي هيقرا كلامي هيفهم اني بتكلم علي الاخوان المسلمين مش في مصر بس بل في العالم كله وسامحوني علي كلامي غبي جدا اللي يتصور ان الاخوان المسلمين موجودين في مصر بس ...
كلنا عارفين دينا كويس وعارفين الصح والغلط وعارفين ازاي ما نغضبش ربنا ايه اللي بيخلينا ننساق وراء امثال هؤلاء الناس ايه اللي بيخلينا نعتقد انهم هما الصح واحنا الغلط هل علشان احنا شعب عاطفي وبنتاثر بالكلمه ولا هل علشان احنا سهل التاثير علينا بسبب السلبيات اللي موجوده في بلدنا من بطاله وقله اجور وقله دخل وكل ده بيدفع الشباب ليس الجميع ولكن البعض منهم الي ان ينساق وراء من يحاول ان يضلله بالعائد المادي المغري مقابل اي شئ ...
اثير في الفتره الحاليه علي القنوات الفاضئيه احاديث كثيره لشباب تحدثوا عن وجود مؤامره علي مصر وبطرق عديده ومختلفه
انا معاهم ان في مؤامره علي مصر من جميع الدول الخارجيه وما اذيع علي لسان المرشد العام للثوره الايرانيه يؤكد ان مصر مستهدفه من العالم اجمع لان مصر ليست قلب العروبه فقط ليس ليست لان مصر الدوله الوحيده القادره علي صد اي عدوان عليها اوي اي غزو فكري اوي عسكري اوي مادي ولكن لان مصر خير بلاد الارض كما قال الله عز وجل في كتابه العزيز وقاله عنها رسول الله صلي الله عليه وسلم في احاديث السنه ...
كل اللي بتمناه بجد من شباب مصر انه يحافظ عليها وما يديش اي فرصه لاي حد انه يستغلنا علشان يحقق اطماعه في هدم الكيان المصري ...
مصر عفيه بولادها وجنودها خلو بالكم من مصر
.................................................. .................................................. .................................................. .
بحبك يامصر

أخى الكريم

يقول رسول الله صلى الله عليه وسلم : " تركت فيكم ما إن تمسكتم به ؛ لن تضلوا بعدى أبدا ، كتاب الله وسنتى " ، فالمسلم -كما تفضلت أنت - لا يحتاج لبشر مهما كان اسمه حتى يحدد له العلاقة بينه وبين ربه تبارك وتعالى ؛ ما دام فينا كتاب الله وسنة رسوله عليه الصلاة والسلام .

ولكنك وقعت -للأسف- فى نفس ما وقع فيه الإخوان المسلمون ؛ فكما أنهم قصروا الإسلام على أنفسهم ، وهذا لا يقول به عاقل فضلا عن عالم ؛ جئت أنت ونفيت الإسلام عنهم ، مستخدما نفس المذهب ونفس الطريق الذى سلكوه هم .

الحكم بإسلام أو عدم إسلام شخص ما أو فرقة ما مرده إلى الله تبارك وتعالى ؛ ولا يصح أبدا أن نشارك الله تعالى فى هذا الحكم .
يقول تعالى : " إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ "

وبغض النظر عما تنقله لنا وسائل الإعلام ، يقول ابن القيم الجوزية: "الشريعة مبناها وأساسها على الحِكَم ومصالح العباد في المعاش والمعاد، وهي عدل كلها، ورحمة كلها، ومصالح كلها، وحكمة كلها".

فما وافق مصالح العباد فهو مراد الدين ؛ بدون شيعة ولا إخوان مسلمين .

زادك الله حرصا على الخير ، وبالتوفيق دائما ان شاء الله ، ولا تنس أن تدعوا الله لى .