لامــونى ومافهمونى على كلام منى حصل
دانا بس صعبان عليا إللى إنصاب وإللى إنكسر
دا أخـويا إللى مات وأبـويا إللى علـيه إنحسر
على جوع عيال ونقص مال بين سمع وبصر
أنا مش عميل ولا عويل ولا وسط الناس زرع بصل
دانا مصرى ودمى نار وله شرار يعمى البصر
ولوأطول واحد من السبب فإللى حصل
لو كان وزير ولاسفيرولاحتى فرعون إن حضر
لأفش غلِى فيه وأجيب عاليه واطيه مهما حصل
وأخد بتارى وتارعيالى وتار كل إللى إتظلم
وأشق قلبه وأشيل شطانه إللى غواه على البشر
وأمحى ليل طال زمانه تلاتين سنة على القمر
وأنور وش مصرإللى إتحرق من السهاد ومن السهر
وأرفع رايات النصر وأدوق حلاوة المنتصر
ويطلع نهار مولود جديد بخير على كل البشر
وعلى قبر كل شهيد أبوس ترابه إللى بالمسك إتعطر
وأمسح دموعى عليه وأقول دمه ما راح هدر
