بسم الله الرحمن الرحيم
مصر رايحة فين؟؟
سؤال كتير سالوه ونفسهم يعرفوا الاجابة او على الاقل القصة الى توضح لنا اجابة السؤال ده
القصة بدات من 30 سنة
لينا 30 سنة شدين الحزام وفى قانون طوارق ومسرقوين ومنهوبين وساكتين
كل حاجة بس حاضر وطيب واوكيه كل الى كنا قادرين عليه هى قوله حسبى الله ونعم الوكيل ولكن الله يمهل ولا يهمل
ده كفاية بس وزيرة نظيف يدخل البلد جوع فقر جهل مرض ووباء وساكتين وكاتمين كفاية بقى
وزير الزراعة يدخل الكنسر والامراض بالمبيدات الفاسدة
ووزير التعليم مش عارف ازاى يتفنن فى خنق الطلاب
ووزير الصحة يصرف بالمليارات لعلاج الاصحاب والقرايب والحبايب
ولا بقى وزيرة القوى العاملة الى يتعين بس الى يدفع ولا ابن الوزير ولا ابن المسئول الكبير والى معهوش ما يلزموش هو ده شعارنا والى معاه جنية يساوى جنية والجنية غلب الكرنية
ووزير المالية بقى البلد بتضيع والبلد فقيرة والميزان التجارى بتاعنا راحة فى داهية وواردتنا اكتر بمراحل من صادرتنا وكل ده بسبب الزيادة السكانية اوعى تقول بسبب المسئولين لا ده احنا المسؤلين مش هما احنا الى خربنا وسرقنا احنا الى اكلنا مال الشعب ودخلنا الفساد
ويا سلام بقى على وزير التموين احنا بنستورد اكتر ما بنصدر ما تحسوا والسلع غالية والحاجة بقت نار
ولا وزير الخارجية الى معاه كل العلاقات الدبلوماسية ناس تضربنا وتهينا فى ارضنا ونسكت وناس تتمادى ونصبر
ولا بقى وزير الداخلية شئ جميل جدا يبقى امين شرطة لا راح ولا جية ويبهدل ويهين والسجون واهانة الانسان والتجريح بكرامتة
وضياع الحقوق وعشان ده ظابط يبقى هو الى ياخد ويكسب كل حاجة حتى لو كان ده مش حقه
ظلم وغلاء وجهل وامراض واحنا الى بندفع الثمن وللاسف غالى
ولا بقى نيجى على الحيتان الى اكله البلد رجال الاعمال الى هم نفسهم اعضاء مجلس الشعب الموقر عملوا بالظبط زى الى فى محكمة القاضى هو المحامى ووكيل النيابة
منهم الاستاذ الموقر محتكر الصناعة فى البلد احمد عز والملاين لا المليارات الى معاه
كل واحد من دول وغيرهم معاهم فلوس لو طلعت تحل مشكلة امة بحلها مش شعب
وفكاهة الموقف بقى لان شر البلية ما يضحك الاستاذ والعالم الموقر البرادعى
واحد عاش فى النمسا نفسى اعرف ازاى حيحس بالشعب المطحون
على راى مرتضى منصور الاخوان المسلمين قالوا احنا مع البرادعى قام مربى دقنة
كل ده اتغير وحيتغير بايد الشباب الى يشرفنا شباب 25 الى رافعين راسنا
بس المفروض يصبروا وكفاية كده علشان ما نسمحش لحد يدخل فى شئونا وترجع الاحوال لطبيعتها
وفقكم الله يا شباب مصر الاعزاء وحفظ الله مصر وجعلها دوما نبض العروبة ومقصد الائمة
DREAM
