ازاى تكون روش فى كلامك

الروشنة:
1-الدبش اللي في شلــّـــك:
دي معناها لو انت بتكلم واحد صاحبك وفي واحد تالت معاكوا ومستغلسينة وعايزين تتكلموا علية تقولوا مثلا(الدبش اللي في شلك) غلس مثلا...
2-انزل من ع المسرح:
معناها ان لو في واحد بيتكلم كتير وعايزين تسكتوة تقوم قايل(انزل من ع المسرح)....
3-لابد في القش:
لو واحد بقالة كتير مش باين ما بتشوفوش تقوللة مثلا(بقالك كام يوم لابد في القش)
4-استمورنينج:
دي معناها(اصطبح) او (صباح الخير)
5-الابلتين لدع في دهاليز الحياة:
دي تتقال لما تكون الحياة مديالك ضهرها وممعكش فلوس وصاحي من النوم بضرب الجزم
6-اشطاط:
ودي معروفة وهى جمع (اشطة) وبمعني (كدة تمام اوي)
7-انزل من علي ودانى:
دي تتقال لواحد رغـّاي عمال يتكلم علي طول وعلي عرض
8-كحروت فحت:
دي معناها ان انت واد مفيش منك مقطع السمكة وديلها وواد فاهم في كل حاجة يعنى(واد من الآخر)
9-فركوك:
دي معناها انة واد كلمنجي ومالوش في البطيخ وتافة
10-ملــّــــة:
واد ملة يعنى رفيع وعلي طول تحس انة ميت او نايم 24 ساعة وعليطول تعبان وكتيان ....
11-منتن:
دي ليها معنين:
الاول:واحد معفن مايعرفش للحمام طريق وريحتة مجاري طافحة
التانى:واحد بيقعد علي النت كتيرويتقالة (منتن)
12-ابو لمعة:
يعنى واد فشــّــارعلي طول بيقول كلام ماحصلش او بيحكى حكايات ماتتصدقش
13-بعبور:
اللي هو ديما بيعبر بكلامة او كتابتة (بيعرف يعبر) يعنى
14-كلح:
يعني (بجح) بيقول اي حاجة ومابيهموش

16-قلب الكلام(طريقة فظيعة)
الطريقة دي لذيذة جدا جدا جدا
وفايدتها: بردة لو في واحد تالت معاك انت وصاحبك وعايز تقول لصاحبك حاجة من غير ما التالت يعرف
مثال:عايز تقول مثلا (تيجي بكرة نروح البحر)
تقول اية (جيتى كبرة نحور الحبر)
والله لو فضلت سنة تقول فيها ما هايفهم التانى
يعنى باختصار تحط الحرف التانى مكان الاولانى
والطريقة دي انا مجربها وآخر تمام
نقول سلام؟
لساااااااااام
عايز اشوف ردود
اعيز افوش درود
واللي عندة حاجة جديدة يقوللي ومنكم نستفيد
ابقوا قولولي رايكم في الردود

__________________

نااااايس توووبيــــــــك

اشطات يا معلمى على التوبيك اللى خضنى هههـ

بص هقولك كام حاجه كده اعرفهم

..

(1) هو انت منهم ولا هما اللى منك ؟

دى بتتقال لما انت تكون فى حوار مع واحد وعمال يجادل معاك فى الفاضى والمليان
وانت زهقت منه ومش عارف تتكلم بسبب رغيه .. تروح تقوله كده وتفضل تسأله السؤال ده وره بعضه كتير لحد ما يرد عليك .. وغالباً 90 % الاجابة هتكون هما اللى منى .. (مجربة)

..

(2) .. عيش وعيشنا كل وفرفشنا :

دى بتتقال لما يكون واحد جعان وبياكل وانت بقى تروح تقوله دى .. يعنى انه هياكل بقى وخلاص هيخرج من اللى كان فيه قبل الاكل .. او بردو ممكن تتقال فى وقت ما تكون انت عازم حد على اى حاجه .. ولما اول لما تديله الحاجه دى .. تروح قايله الجملة دى .. ( مجربة بردو )

..

(3) لو حصل اى حاجه قول (جزر) ومالكش دعوة :

دى بتتقال لما يكون مثلا فيه حد عنده مشكله .. وانت كنت معاه وبعدها سبته وماشى .. وتروح قايله لو حصل اى حاجه قول كلمة السر بتاعتنا اللى هى جزر .. ومالكش دعوة هتلاقينى معاك علطول .. هههـ .. ما جربتهاش بس شوفتها ههـ

..



(4) ماتساش تبقى تحميها بقى :

دى بتتقال لما يكون حد بيتكلم ومش عارف يجمع او بيقطع فى الكلام (مجربه)


..




(5) فوووووووووول وفلافل .. اهــــ يا سافل :
دى لو حبيت تعاكس بنت جامده اوى هههههـ .. تيجى جانبها وتقولها كده بصوت مايع اوى ههههـ .. بس انا ماليش دعوة بقى باللى هى هتقولهولك بعدها ههههههههههـ



اشطه كده ولا عايزين تانى ؟

انت اللى برنس يا treka انت غلبتنى يا صحبى هههههههههههه .

نااااااااااااااايس توبيك

http://up.a7bk-a.com/img2/cz823929.gif
هههههههههههههههههههه
كامتين اوى بكد
بارك الله فيك ياربى
http://up.a7bk-a.com/img2/ff324125.gif

بصراحه انتو الاتنين جامدين اخر حاجه على فكرة انا مبحبش الجمله دى بس عشان امشى تبع المود