http://files2.fatakat.com/2010/9/1284918585.gif
بكل فخر بحب مصر
بكل وجدانا بنحب مصر***مهما عدى وطال الزمان
أصلنا ساكنين فى قصر
وعندنا عزب وأطيان
وفلوس فى البنك ملهاش حصر
أملاكنا فى كل مكان
هو لازم نكون كدة علشان نحب بلدنا
إخص عليك يا زمان
فين زمان لما ضحينا بولادنا
ورفضنا إنها تتهان
ضحينا بخيرة شبابنا
وطردنا محتل جبان
ولا دول جيل وإحنا جيل
علطول مطنش كسلان
نسى هواها العليل
نسى مصر وطن الأوطان
بقت الغربة حلمه الجميل
ورضى بالذل والهوان
بلدى هقولهالك على فكرة
إللى يهرب منك مش كسبان
هيرجع وييجى بكرة
مهما شاف فيكى من حرمان
هيبقى للكل عبرة
هيبوس ترابك وهيرجع ندمان
ولو أنا إتكلمت فى حب مصر
هقول بحبك هقول عشقتك هقول جوايا بركان
أنا أصلى حزينة عليكى يا مصر
لأن ولادك باعوكى بأرخص الاتمان
لو عرفو معنى كلمة مصر
مش هيقبلو الجحود ولا النكران
هيرفعوكى فوق السحاب
هتبقى نجمة البلدان
هيفتحو للتعمير ألف باب
أصل المصرى أجمل إنسان
مش هيكون فى ما بينا عتاب
هينسيكى ألمك وبقلبك اللى كله حنان
هتقولى سامحتكم ونسيت
لإنى عايشة فى كل وجدان
زعلتونى وبكيت
بس سامحت الندمان
ولا عمرى فى يوم قسيت
قلب الام كله حنان
وهقولك عمرى لمعنى إسمك الجميل ما نسيت
يا أرض النيل والهرم واللى لحبك عطشان
م:مأحنا معاكى أنتى معانا والمستقبل بينا
ص:صابرين بيكى وليكى ولكل اللى بيحصل لينا
ر:ربنا معانا ويحمينا وينصرنا على مين يعادينا
