والله وعملناها ثورتنا ونجحناها
ثورتنا شعبيه ثورتنا سلميه
وحريه حريه حريه
رجاله وطول عمر ولادك يابلادنا رجاله
اولادك اطفالك بناتك شبابك عواجيزك كلهم رجاله يابهيه
كلهم بيعتذروا ليكى وبيطلبوا منك السماح غفلوا كتير وسكتوا كتير
وشافوكى كتير بتتهانى وغموا عنيهم بأيدهم
ونزلت دموعهم حرقت قلوبهم وصرخوا صرخه واحده كفايه ذل فى بهيه وولاد بهيه وهبوا وثاروا رجموهم غرقوهم رهبوهم قتلوهم ولا شافوا
ولا خافوا ولا همهم كل اللى قدام عنيهم همهم انتى يا حبيبتى خدوا بتارك يامه يا غاليه رجعوكى لعزك ارجوكى سامحيهم
وبيوعدوكى يا ام الرجال يا ام الحضاره يعوضوكى اللى فات
مش هيسبوكى تانى ولا هيسيبوا حد يجرحك هيرجعوكى تانى يا ام الدنيا ايديهم اتشبكت وهيبنوكى من جديد وعد ليكى لنرجعك تانى
مصر ام الدنيا بجد ارفعى راسك ياغاليه وافرحى بولادك واديهم فرصه يثبتولك اد ايه بيحبوكى
((نقسم بالله العظيم _ ان نلتزم بما لنا وما علينا اتجاه هذا الوطن _ وان نقوم بكل اخلاص بالعمل من اجل رخاء هذا البلد _ والا نسكت على اى حادثة فساد وان نسعى لكشف كل ماهو فاسد امامنا _ وأن نضحى بكل ما هو غالـى ورخيص من أجل مصرنا العظيمة _ وأن نقوم بالارتقاء بأخلاقنا من أجل مجتمع أفضل)) والى الامام دائما يا مصر بأولادك
