آسف يا ريس ! إهداء إلى كل متعاطف مع مبارك !!
إهداء
إلى كل متعاطف مع مبارك
آسف ياريس حقك عليا
فيه كام رصاصه مجتش فيا
صحيح جارتنا فقدت ضناها
وكام مواطن وكام ضحيه
مش غلطه منى وحياه جمالك
دى غلطه م اللى فقع عينيا
حبه كرامه كانوا عندى لسه
عيون عساكرك نسيوها فيا
فيه لسه لقمه ومعاها هدمه
لو يلزموك خدهم هديه
مهم تشبع .مهم تجمع
فى ملياراتك لو يبقوا ميه
فداك ياريس كل اللى ماتوا
يا ابو قلب طيب وانسانيه
************************************************** ******
آسفين يا ريس دى عيال هفيه
كمل ولايتك غاويين أذيه
رجعلنا عز و نظيف
و العادلى ابن المفتريه
و إوعى تنسى تجيب جمال
و سرور و صفوت و البلطجيه
و دوس يا ريس بيهم علينا
X-(X-(X-(X-(X-(X-(X-(X-(X-(X-(
