هما كام كلمه .... اسمعينا
بسم الله الرحمن الرحيم
توقفت كثيرا عن الكتابه انظر حولى واشاهد مصر من بعيد واقرا لكل من يكتب حبا فيها اوغاضبا منها او.....او..... وكنت انتوى الا اكتب فوجدت ان الكلام جميعه متشابها ولكن باساليب مختلفة فلكل شخص اسلوبه فاعجب احيانا بموضوع واصدم من اخر واكتئب من اخر وفى الاخر قررت اكتب وشقايا على ربنا ويارب يعجبكم مع انه بردو نفس الكلام ومتشابه مع جميع الكتابات فاعذرونى ان لم يعجبكم فلم استطع ان اسكت كثيرا وكنت مشتاقه للكتابه ولكم تحياتى وتقديرى
هما كام كلمة .......... اسمعينا
قومى يا مصر، اصحى يا بلدى .... افهمينا
اصحى جيين نقولك كام كلمة ..... اسمعينا
ولوكنا غلطانين ادينا ضهرك ومتبصيش علينا
جعنا وفقرنا وصبرنا واتقتل شبابنا والكيل فاض بينا
خرجنا باعلى صوت هتفنا وصرخنا ونادينا
مش عايزين غير حقنا بس مين يدينا
غيرك يا بلدى انتى هتفهمينا قومى انصفينا
نستينا وسامحنا بس اوعى من انهرده فى يوم تنسينا
هما كام كلمة اسمعيهم يا مصر احنا مش كسالى
ولا قاعدين ع القهاوى بمزاجنا ومش عايزين بطالة
احنا عايزين نمشى فيكى بعزة وببسالة
يبقى الصغير والكبير والغنى والفقير بينهم عدالة
نحس بالحياة منكونش ع الرف مركونين زى الحثالة
نبقى احنا اللى صنعنا الكرامة،،،،،وكرامتنا ودمنا بقو ارخص من التراب
نبقى اخترعنا الابتسامة،،،،،وجوانا مجروحين وبنبكى ع الشباب
نكون بناكل هباب يا ماما،،،،وناس ف ارضك بتاكل كفتة وكباب
بصى لشعبك اصبح لمامة،،،،،واكلو حقوقنا او مفيش حقوق بقى سراب
عايزينك يا مصر تبقى اغلى ف قلوبنا
احنا ولادك اللى من نيلك شربنا
لفناكى يا مصر ندور عليكى وف الاخر غلبنا
فمتزعليش لما نسيبك ونمشى وتقولى هربنا
حبناكى والحب عشمنا وبحقوقنا طالبنا
قالوا بلطجية بيخربووقتلو مننا مش احنا اللى خربنا
احنا ثورة شباب كانت فى الحق ثاااااااااااااااايرة
ماتت ورودك ودماها ع ترابك يا مصر سايلة
كانت عقولهم فيكى حايرة بس عقول شابة ونايرة
كانت جية بامل واحلامها على كتافها شايلة
عاشو بشرف وعزه وماتوا وروحهم حواليكى طايرة
ماتوا عشان انتى تعيشى وعشان يعدلوا المايلة
بس عمر ورودك ما تخلص عشان ارضك مش بايرة
فهمتينا؟، سمعتينا؟، احنا عايزين بس تحسى بينا
حبينا يا مصر زى ما بنحبك ومن حبك ادينا
عشنا حياتنا عشان نعليكى ، والدور بقى عليكى عشان تعلينا
مرت سنين علينا واحنا بنحميكى ، مدلينا ايديكى دلوقتى واحمينا
خدينا ف حضنك الدافى وطبطى علينا دفينا ضمينا
كام كلمة قولناهم وانتى متعرفيش حتى اسامينا
مش مهم تعرفينا بس المهم تكونى سمعتينا
ارجوكم المعذرة ان تشابهت الكلمات ولكنى اشتقت للكتابة:) (بقلمى)
