اطمئنوا عليا مع انى مش مطمئنا
السلام عليكم ورحمة اللة وبركاتة
طبعا انا كتبت مشكلتى من شهر تقريبا وبعدين تقدمتوا باقتراح بعض الحلول والة معظمها كنت بنفزها عملت كل شىء ممكن تتخيلوة لدرجة انى كلمت البنت اللى جوزى ماشى معاها واترجتها عشان الاطفال وقولتلها انى مش هقدر اعيش معاة وانا عارفة انى بيخونى وان حرام عليها اللى بتعملة .
على فكرة طلعت مطلقة وعندها بنت وحلفتها ببنتها وقالتلى خلاص وحلفت لى وقالتلى بس لازم نبقى اصحاب وانها هتوافق على العريس اللى جاى قلتلها اوكى وصدقتها لانها حلفت باللة واعدت اسبوعين اكلمها يوم ويوم وادعلها ان ربنا يوفقها مع العريس وهى تقولى دانا بجييب الشوار وخلاص فاضل فستان الفرح و هو مفيش تغيير علية الخروج هو هو والكدب هو والتليفونات هى مفيش فرقانا طبعا شكيت انة عرف واحدة تانية بس قلت مش بالسرعة دى ولقيت كل ما اقولها حاجة توصلة المهم طلع ان اللى انا بكلمها مش هى اللى ماشى معاها جوزى دى صحبتها وهى طبعا بتكلمنى وتحلف انها ما بتكلمة ولا تقابلة وصحبتها هى الى بتقابلة يعنى عملوا عليا خطة عشان انا بصدق بسرعة المهم انى واجهتة والمرادى قلتلة انة يعتبرنى انا واولادة مش موجوديين فى حياتة وعمرة ما هيشوفنا تانى قالى خلاص انة هينهى الموضوع المرة دى بجد وانى اديلة اخر فرصة وفعلا قلتة الفرصة دى عشان خاطر الاولاد فقط وفعلا قلها وقفل موبيلاتة كلها وادهانى وطول اليوم فى الشغل او فى البيت ولو نزل ببقى معاة وفعلا فى تغييرات .
بس يا جماعة انا بردة مش مطمنة ابدا حاسة انهم بردة عامليين خطة تانية لانهم عملو كدة كتيير قوى وحلفوا كتيير قوى مش حاسة بالامان ابدا حاسسة انها ممكن تكلمة فى اى وقت وهو يحن ويرجع مع انة قالى لو دا حصل هقولك مش عارفة اصدق ولا لا.
من حقى انى مصدقش بس بقالة عشر ايام مكلمهاش معقول يكلمها تانى ؟ مش عارفة!
