ابن يستقبل بباه فى المطار
الاب : إيه احوال البيت وانا مش موجود حصل حاجة وحشة؟
الابن : كل حاجة ميه ميه ... ماتقلقش هو حصل حاجة بسيطة بس .
الاب : حصل ايه؟
الابن : عصاية المكنسة اتكسرت.
الاب : بس كده ولا يهمك .. بس ايه اللي كسرها ؟
الابن : انتا عارف إن البقره لو وقعت علي حاجة تكسرها .
الاب : إنت تقصد بقرتنا ؟
الابن : أه
الاب : ايه اللي حصل ؟!
الابن : كانت بتهرب وهيا خايفة فوقعت علي عصاية المكنسة فكسرتها .
الاب : المهم البقرة حصلها حاجة ؟
الابن : لا مفيش حاجة ... ماتت .
الاب : ماتت !!... وهي كانت بتجري خايفة من ايه ؟
الابن : لأ دي كانت بتهرب من الحريقة .
الاب : حريقة ! .. حريقة ايه ؟!
الابن : لا مافيش اصل بيتنا اتحرق .
الاب : اتحرق !! يالهوي .. من ايه؟!
الابن : اخويا الكبير الله يرحمه
الاب: ايه اخوك مات إزااي ؟!!
الابن : ايوه مات .... كان بيشرب سجاير وقعت منه وحرقت البيت وهو جواه .
الاب : يالهوي !! اخوك بيشرب سجاير ؟!!
الابن : هو كان بيشرب سجارة علشان ينسي حزنه .
الاب : حزنه علي ايه ؟!
الابن : علي امي الله يرحمها .
الاب : ايه !! امك ماتت!!
فراح الأب مات من غباء ابنه ....
الإبن : بابا متعملش في نفسك كده فداك الف مكنسة ...
