أجمل ما ف بنات حوا ( سعيد شكرى )

بعد الحب ماتبت جدوره
ف سابع أرض
وبات حلمى البرئ طارح
جناين ورد
وقلت الدنيا ضحكت لى
وغنت لى غناوى السعد
وبات النور
على شباك الأمل صاحى
يضم الفجر بجناحى
ويرسم ليا أفراحى
بضحكة طفل بتنور حياة أمه
ولعبو وهى بتضُمه
وتعصر صدرها ف فُمه
عشان يكبر ويتقوا
يا أجمل ما ف بنات حوا
يا حضن الأم
أنا هو
وحالى برضو من حالو
ونفسى اكبر على إيدك
وتخرج ضحكتى م القلب
من جوه
وتزلزل كيان الجرح
وتجلجل ف كل الكون
يسمعها الحزين يتناسى أحزانه
يحاول زينا يضحك
ويسمعها الغريب يشتاق لأوطانه
ويرجع يلقى صدر حنون
هناك مستنى علشانه
يا أجمل ما ف بنات حوا
يا حضن الأم
أنا هو
ونفسى أرجع لأحضانك
بعد الحلم ماتبدد
ف لحظة ضعف
كان زى الجبل وإنهار
وفات يومى بألف نهار
وبعد التلج ما طفى
فى قلبى النار
لقيت وسط الحطام حبك
كما هو
عايش يرتوى بدمى
يمد جذورو ف كيانى
ويغسل بالأمل همى
كما الأنهار
وانا غصن الوفا سارح مع الأمواج
وبعد التوهه والترحال
لقيت بر السماح مرسى
رسيت ف الحال
وشايل قلبى على إيدى
وعارف إنى عمرى ماهون
مانا عارفك وحافظك صم
يا أجمل ما ف بنات حوا
يا حضن الأم
................

سعيد شكرى

سلمت اناملك اخى سعيد شكرى سعدت كثيرا بان اكون اول من يرد على موضوعك وذلك لامرين الاول لانه شرف لى ان اكون من اول المعجبين بقلمك والثانى ان اقدمك لاعضاء المنتدى بانك قلم مبدع ويوما بعد يوم يزيد ابداعك ونتمنى المزيد والمزيد منك واتنبا لك بمستقبل باهر فى عالم الكتابه والشعر فدام تالقك وابداعك وامتاعك لنا
ملحوظه صغيره عارفه ان ملحوظاتى كترت بس استحملنى انا لاحظت انك مش بتشترك معانا فى موضوعاتنا فى الردود فاتمنى ان تتابع باقى الاعضاء وترد على موضوعاتهم حتى نرى ردودك كما راينا كتاباتك ودى نصيحه نصحهالى قبل كده اخى فارس الكلمه واستفدت منها جدا فارجو ان تستفيد مثلى وفى الاخر اللى بياخد الثواب فارس الكلمه بارك الله له
تقبل مرورى
وافر تحياتى وتقديرى
اختك لبنى

اه معلش نسيت اعلق القصيده فاسلوبك الرائع بهرنى وخلانى نسيت
عنوان مناسب يحمل معنى القصيده اجمل ما فى بنات حوا
تعابيرك جميله رقيقه مبدعه متعمقه ومتعملقه
كلماتك نقيه صادقه حنونه
سطورك ممتعه جذابه نصغى لها كثيرا
وفقك الله ونتمنى منك المزيد
تقبل مرورى
اختك لبنى
مره تانيه

رحله ابداعيه
عن قلب حواء
عن الصدر
الحنون
واغواره
ان نحيط
بجزء منه
لايعني اننا
حللنا باسراره
يارائع
جمعت الحروف
من تفرقها
رسما بديعا
تلملمها
تغزل الالف
بالهاء بالتاء
فكان ابداعك
يطل
جميلا في
أخرها
فلحروفك ملامح
وطقوس وجنون
هكذا كنت
بقلمك
تغازلنا
مشاعرك جياشه
فرت
من اعماق قلبك
فكانت
صياغتك للكلمات
بـ تعبيرك
لها رونق
وجمال خاص
ولاادرى
لماذا افرح
عندما اعبر
لمساحه تعنيك
اتخطى وابتسم
فاقول
انك جميل بكل
حالاتك
مدرسه هى حروفك
تتوه فيها
الكلمات
فلكل حرف
همسه
ولكل سطر
حكايات
مساحه
اجدت فيها
التعبير
لك مودتى
باريج العبير
حفظك الله
دمت

نغمات الحب والعشق ترق وترق
شوقا فى كلماتك
وتنموا ورود الاحساس
فى بستان شعرك
وترتوى ببسماتك
هنيئا لنا
ذا القلم المبدع
الحساس
سلمت اناملك
تقبل تحياتى

حرف اخاذ وطله ذات رونق خاص
طبت وامنياتك
ودى

الله عالتعابير الرائعة والغزل المباشر وغير المباشر
‏
لمثل هذا البوح تنحني ابجديتي
تقديرآ وإعجابآ
سلمت الأيادي