قيدوا شمعة يا أحبة و نورولي
رمشتين من رمش عين
و بيندهولي
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي
قيدوا شمعة و نورولي
رمشتين من رمش جارح
فوق عيون السحر طارح
زادوا نبض القلب حبة
بالأمانى بالمحبة
والأمانى هناك بشوكها
طالعة فوق الشط دوكها
بتلاغيني
و تناديني
من بعيد
و تقول آديني
كان بودي
عايز أعدي
و الظنون بتقولي هدي
من هنا سكة ملامة
من هنا سكة ندامة
سكتين ياللا السلامة
أمشي فين يا ناس قولولي
قيدوا شمعة و نورولي
قيدوا شمعة يا صبايا
نورولي و طمنوني
بحر بيني و بين هوايا
موجه يشبه موج ظنوني
كل موجة شايلة شيلة
حلم ليلة
و فكر ليلة
عد موج البحر يا اللي
شفت حالي و قولي لخلي
كان بودي عايز أعدي
و الظنون بتقوللي هدي
من هنا سكة ملامة
من هنا سكة ندامة
سكتين يا اللا السلامة
أمشي فين يا ناس قولولي
قيدوا شمعة
و نورولي
في الليالي يقل نومنا
بين مسانا
و بين صباحنا
نصحى و الناس نعسانين
موعودين بالجرح يا احنا
و الدوا للموعدين
ايه دا كل يا قلبي ايه دا
شوف طريق العقل و اهدا
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي
قيدو شمعة
و نورولي
