كبريـــــــــــــائى
كبريائى و بعدى عنك
مش ملل ولا يأس منك
لاء ده هيكون إعتذار
لقلب حب وعاش فى نار
داق هوان داق مرار
وإكتملت فى عيونه بس
أقوى صور الإنكسار
لما شوفتك ويا غيرى
بالخيانة قلبى حس
وفجأة صار الليل نهار
وإتفتحت خلاص عيونى
وكرهت منك أى همس
ومبقاش بإيدنا الاختيار
ولما لقيتك بتناديها
قلبى قاللى بس هس
مبقاش حبيبك بإختصار
لما حبيتك يا غالى
كان قساك فوق إحتمالى
يا ما قولتلك فى يوم هنبعد
وراح تفرقنا الليالى
وإنت صخر مفيكش حس
فلما يبقى البعد جنة
ليه أسيبها وأعيش فى نار
كبريائى وبعدى عنك
مش ملل ولا يأس منك
لاء ده هيكون إعتذار
