وبدأت نكت المصريين على سقوط أمن الدولة
السلام عليكم ورحمة الله
ما شاء الله على الشعب المصري الذي جعل من ثورته مسرحا لخفة الدم المعهودة وبالفعل بعد سقوط أمن الدولة بدأت التعليقات ومنها
يجرى الآن استبدال جهاز أمن الدولة بجهاز العروسين عبد الرحيم عمرو ...
واحتكم الأمر ....
عااااااااااجل وفاة أمن الدولة بإسفكسيا الخنق بعد ابتلاعه مستندات مفرومة http://www.ikhwan.net/forum/images/smilies/biggrin2.gif
نظرا لغياب أمن الدولة نرجوا من السادة المواطنين عمل لجان لتعذيب أنفسهم حتى استقرار الاوضاع
امن الدولة عذبني شكرا
عاجل: إسرائيل ترسل سفن و طائرات عسكريه لاجلاء رعاياها من مقار أمن الدولة
امن الدوله بيعتذر عن انقطاع خدماته في الاسكندريه مع الوعد بإعطاء نص شهر تعذيب هديه لكل مواطن اتضرر من التعطيل
ظباط أمن الدوله هيشتغلوا عجلاتيه لخبرتهم الطويله في النفخ
الجمعة اللي جاية كلنا ننزل مغميين عينيا ورابطين ايدينا ورا ظهرنا ونطلع نوزع مولتوف ونكهرب بعض وفاءا لامن الدولة
كل واحد يدي نفسه قلمين يا اخواننا
تسخين يعنى لحد ما يرجع قلق الدوله
انا خايف الاقى ملف لابويا و يطلع ان انا مش ابنه و انه خطفنى زمان
-تعرف فلان؟ .. أعرفه .. شفت ملفه؟ .. لأ .. يبقى متعرفوش
-بشري سارة: أي حد كان عنده ايميل و ناسي الباسوورد بتاعته يطلع على امن الدوله هيلاقيها هناك
-عمالين تقولو معرض الكتاب اتلغى معرض الكتاب اتلغى …طلع أمن الدولة ملياااااااااااان ثقافه ..روحوا اتفرجوا
في السنة اللى ويكيليكس طلعت الوثائق بتاعتها… إحنا طلعنا وثائق أمن الدولة..وثائق عربي…أم الاجنبي
-خد نفس معسل وقال لي: لقوا مطار الانفاق في أمن الدولة
-وثيقة من أمن الدولة تؤكد أن الأهلي حياخد الدوري ال12 سنه الجايين
-الشعب المصري أعلن عن افتتاح مهرجان القراءة للجميع برعاية امن الدولة
-بيقولوا حماده هلال هيعمل أغنية جديدة …ملفات أمن الدولة لقينها فى أمن الدولة
-أنباء عن العثور علي كل أغطية كوكاكولا اللي عليها الجادون داخل مقر أمن الدولة
-أنا في أمن الدوله ولقيت حلول فوازير نيللي وشريهان بالكامل … اه يا ولاد الكلب ههههههههههههههههههههه
-الراجل بتاع “اين اشيائى ” يعلن عن العثور على اشيائة فى أمن الدولة
-معهد القطن هيبقى له قيمة بعد كده عن كلــيه الشرطه ههههههههههههههههههههه بركاتك يا عدلى
-أمن دولتي و أنا حر فيه! اغسله وأكويه، أفرده و اتنيه
-بعد تشريد جهاز أمن البلوة تم اطلاق حملة اكفل مخبرا تحصل على بلوفر وكيلو بونبون مجانا مع تصريح بالتظاهر في ميدان مصطفى محمود
-نظرا لغياب امن الدولة نرجوا من السادة المواطنين عمل لجان لتعذيب انفسهم حتى استقرار الاوضاع والله الموفق
-متنسوش بعد ما نخلص امن الدولة اللى فى ادينا ورانا شغل فى مسبيرو تامر امين وخيرى رمضان خلينا نخلص نظافة بالمرة ريتويت
-للمواطن ملفان: ملف عند أمن الدولة… و ملف و سي دي عند مرتضى منصور
-اللي مالوش ملف في أمن الدولة مالوش خير في مصر هههههههههههههههههههههههه
-الشعب يعلن افتتاح مهرجان القراءة للجميع داخل مقار امن الدولة و الدعوة عامة
-من إنهاردة … تويتر هو أمن الدولة
-أنا نفسي اطلع ظابط امن دولة لو هيبقى عندي مكتب حبيب العادلي
-الدنيا دي زي امن الدولة ناس ليها انس الفقي وناس ليها البت الكويتية ورجل الاعمال ارزاق
-يعني إيه كوكا زيرو يعني لو فقدت الذاكرة أمن الدولة محافظ علي كل ذكرياتك
-نصيحة :لو حبيبتك بريئة و ماتعرفش حاجة عن مصايبك السابقة .. روح إحرق ملفك في أمن الدولة بسرعة .. قبل ما صاحبها السابق يجيبه ههههههههههههههههههههههه الحقو بقى
-مفيش حاجة لمرتضى منصور !!!!
-تسريبات امن الدولة دى محتاجة منحة تفرغ …هما لو كانوا بيعملوا كل التقارير دى امال كانوا بيعذبوا امتى
-لا تعايرني ولا اعيرك … ده امن الدولة طايلني وطايلك هههههههههههههههههههههه
-بعد 30 عاما من ” الطبيخ ” نقدم لكم صينية أمن الدولة بالملفات المفرومة هههههههههههههههههههههههه
-من النهاردة مفيش امن الدولة ……احنا الدولة احنا الدولة
-يا ترى ملفى فين دلوقتى؟ اتفرم و لا سليم..هزعل قوى لو ماليش ملف…لا بجد هزعل
-عادل امام : يابلد شهادات ..تلفزيون مصر : يابلد اجندات ..امن الدولة : يابلد ملفات
وجاري استخراج كنوز النكت
