بسم الله الرحمن الرحيم
(2008)
عارفين ده صوت مين؟؟
ولا انتو مش سامعين!!!
ده صوت بيدافع ع المظلومين
هيداوى جروح المجروحين
وناس كتييير ليه رافضين
متحالفين عليه ومعترضين
وبيكرهوه ومش مرتاحين
وبيخرسوه ومش ساكتين
..........................
مش عايزين يقولو الحق
ولا عايزين يقولوهم لاء
لحد ما منهم زهق واتخنق
وطردوه ما بينهم وزقوه زق
وهو فضل على الباب يدق
وعمر ما قلبهم مره رق
لحد ما جزء منه اتحرق
والباقى كمان على وشك الغرق
............................
فين عقولكم؟؟ وفين الضمير؟؟
متسدوش ودانكم الصوت ده خير
والناس معاه المظلوم والفقير
واللى من غيره ملهمش اى مصير
اسمعوه وقوووه وهيكون معاكم امير
والنصر ليه وهو ده اللى يصير
...........................
الصوت عمال ينادى عايز منكم امان
وبيطلبه منكم من اول ما بان
بيقول بعلو صوته انا هخدم الانسان
هنشر نفسى ما بينكم وهكون فى كل مكان
بس خليكم معايا وليكو الامتنان
وانا هبقى معاكم شديد قوى البنيان
.............................
يا ناس يا عالم اصحو انا بتكلم معاكم
قولولى بس مين هو اللى اشتراكم؟؟
الظم ولا الشر ولا انتو اللى بهواكم
مش عايزين تسمعونى واتشرف بلقاكم
ده الدنيا عذبتكم وادتكو على قفاكم
والزمن بتاعكم من عمايله هراكم
طيب قولولى حتى امتى هنول رضاكم
امتى هكون ما بينكم ولا ممكن انساكم
...............................
محدش بيرد ليه انا صوتى اتنبح!!!
هو فى حد مطاردكم ولا بينكم شبح!!!
طب انا دلوقتى همشى بس ده يصح!!!
انا بكره هوريكم ان الحق اللى ربح
والكدب والظم خلصو والشر كمان اتفضح
وسكوتكم ده هيخفى والكلام هيتسمح
...............................
عرفتوا ده صوت مين ولا لسه مش عارفين
ده صوت واحد لوحده ولا صوت لاتنين
احنا حبايبك اتنين قاعدين بقالنا سنين
شايفين صمت وسلبيه وضعفا وغلابه خايفين
من بعيد بنشوفك ومش عارفين نجيلك ازاى وفين
انا الحــــــــــــــــــــــ ـــــق
وهو العــــــــــــــــــــــ دل
امل فيك كبير وهنفضل مستنيين
(بقلمى)
واحنا كمان هنستنى
