حَاوِلْت !! أَشيِلْ ؟ لمحيى زقزوق
حَاوِلْت !! أَشيِلْ
بإيدي من تل هَمَّك
وقًلتْ جَايز
يِقل التَّل أو يِختَّل
لَقِيت مَجهًودى
فى النَّازِل ومنى يِقلْ
وتَلْ همَّك عَمَّال
يزيد على إكتوفى
لا أَقلْ مَعَايا
ولا فِيك إخْتَّل
حَسْيت بِضعْفى
رَغْم قوِّتى
حسيت كمان
إن مالي حيلة
وصعبة كتير دُنيتى
لمَّا إنحنى عودى
فى لحظات قليلة
رضيت ِبقسْمِتي
و قُلت دا نصيبى
ساعتها ما قدرت
أشِيل همَّك
على ضَهرى
مَع إنى عمرى
ما حَسْيت
بالمره يا عمرى
إن إنت مش قدرى
وداريت أنا خجلي
رديت عليا وقلتلى
دلوقت بتعمل فرق
بين!
هَمِّى وهَمَّك
ودمى بيجرى بوريدك
و وريدي بِيسْكُنه دمَّك
وتركتنى وحيد فى مكانى
مشيت بطريقك
جِرِيت عليك
مِسكت إيدك
و لَقتني بَضُمك
بكيت فى حضنى
ومن عينى
سال دَمعَك
وصرخة الآها منَك
تُشق صَدرى شَقْ
قلت أُصْرخ بِعزْم صُوتك
من جوه صَدرك
يِمْكن فى حُضنى
تبات صَرختك
وتروق ضِحكتك
من صوت الألم والهم
مَسحت بإيد على شعرك
و التانية عشان خَاطرك
رَاحت
تِطَبْطَبْ على ظَهرك
وخدى بيمسح الدمع
من فوق جبينك
و تنهيدة جُوَّايا
قالت فَديتك
فَديت عُمرك
يا أملى و رجايا
ومدام معاك روحى
وعشان كلك معايا
يا روحي لا تهتم
حسيت بعودي بيتعدل
وقت ما خف
عن كتوفي الهم
شبكنا إيدينا
مشينا فى طريقنا
سبقانا خطاوينا
بترسم لينا ضحكة
من جديد فى عينينا
تنسى فينا الألم
تفرح قلب جوانا إتظلم
وتبعد عن دُروبنا
كل خطاوى الهم
محيى زقزوق:x
