انا عندى فكرى مش عارف انتوا هتقولوا عليها ايه ؟
المهم الفكرة بتتلخص فى ان كل واحد يكتب عن اقرب صاحب ليه يعنى بيحب فيه ايه بيكره ايه مواقف حصلتلهم مع بعض وكدة يعنى
ابدا بنفسى
مقدرش اقول انى ممكن اصاحب حد فى حياتى زى صبحى ( عبقرينو - ابن عمى )
الواد ده فعلا انا مش عارف انا وهو ممكن يتكتب عنا كتاب( مش مبالغة )
تخيلوا معايا واحد متربى معاك ( واحنا لسة فى اللفة )
كل ما يمكن تخيله عملناه مع بعض
حلو او وحش
مذاكرة رحلات مشاكل اى حاجة
وفعلا انا وهو بنكمل بعض يعنى ممكن انا تبقى فيه حاجات انا لا افقه فيها شىء هو اللى يفهمنى والعكس لان الى حد كبير فيه اختلاف فى بعض الحاجات زى مثلا انا لا احب ابدا العيش فى البلد وبميل جدا الى السفر وكثرة التنقل وهكذا...............
انا بحب فيه انه موضوعى جدا وليه اسلوب علمى اوى فى التفكير
بكره فيه ( جدا ) انه عصبى ممكن لما يتعصب بيبقى غريب كمان انه مش اجتماعى
المهم انا بدعى ربنا انه يخليه ليا وبقوله ربنا يكرمنا ان شاء الله
من الغردقة المحتلة
بســـــــــــــ الصواف ـــــــــــام
