المرأة هي اسرة ووطن ( ياجماعة دا مش كلامى)
الرجل الامآن والقوة ( صح )
المرأة رقيقة وهي انثى ( انا مش فاهم دى منين رقيقة ومنين امرأة )
الرجل عظيم وهو رجل ( احم احم اكيد )
المرأة دفئا وحنانا وسكن ( بس سكن غالى )
الرجل امانا وقوة وعطف ( طبعاً حد يقدر يقول غير كدة )
المرأة وزارة الداخلية لا يستتب الامن في المنزل الا وهي علي رأس العمل ( يبقى هتحبس جوزها والاطفال )
الرجل وزارة الخارجية ليحمي ذلك الكيان الشامخ من الخارج ( وومميزن فى تقوية العلاقات الخارجية دا اهم حاجة )
المرأة حينما تحمل وليدها وتسهر عليه تقوى علي ذلك ( مقدرشى اقول حاجة بصراحة )
الرجل حينما يسهر على زرع الفرح والسرور في قلوب ابنائه يقوى على ذلك ( حنينين جداً الرجالة دول )
المرأة صبر يمازجه عطاء بلا توقف ( يتمسكن لحد ما يتمكن )
الرجل حدة يمازجها قوة وعطف بلا توقف ( شموخ و تفانى ياما احنا غلابة )
المرأة ليست جميلة وهي تؤدي دور الرجل ( وحياتك ولا هى بتئدى دور المرأة كمان )
الرجل لا يبدو وسيما وهو يؤدي دور المرأه ( بيقول حكم )
المرأة دمعة (دمعة بالدقة و بصل و فول و توم )
الرجل أرق من تلك الدمعة ولكن خلف اسوار وقلاع وحصون ( ياجماعة انا قلت احنا مساكين )
المرأة سر سعادة المنزل ( مش مصدئق )
الرجل سر سعادة الكون ( الكبير كبير بردو )
المرأة تصون عندما لا تخون ( ياسلام!! :-$)
الرجل يخون عندما لا يجد من يصون ( هنعمل اية بس )
المرأة عندما تطهو طعامها تقدمه لاسرتها على أطباق من سعادتها الغامرة ( وتقول بعلو صوتها اطفح وانت ساكت هرمية يعنى ؟)
الرجل عندما يتذوق طعامها لا
يجد لطعمه مثيل وحتى لو كان قليل ( دا من الصدمة مش قادر ينطق )
المرأة العطر الزكي .. والكلمة الشجية ( دا لوكان قصد على ريحت البصل و كلمة هات )
الرجل الأنف الذي يشم ذلك المسك .. والأذن التي تعي ما تسمع ( مش انف بس و قفا كمان و اليدى التى تدفع بالتى هى احسن و أللى )
المرأة تتحدث ليسمعها الرجل ( رغايا )
الرجل ينصت ليسمع ما تقوله المرأة ( قليل الحيلة هيعمل اية الغلبان )
المرأة ابتسامة ( شماتة ياساتر يارب )
المرأة اليد اليمنى للرجل ( واى يد )
الرجل اصابع تلك اليد اليمنى ( دا هو الجيب إللى بتدخلة تلك اليد )
المرأة أقوى من الرجل بعذوبة انوثتها ( مش متكلم معاك [-()
الرجل أقوى من المرأة بعنفوان رجولته ( يااااا انت لسة فاكر )
المرأة و الرجل
عظماء وهم يؤدون دورهم بلغة التفاهم والصدق والحب .. اللغة التي لا يفهمها سواهما .. ( يقصد المرءة طبعاً )
وأخيرا
جميلة المرأة حينما تظل امرأة ( ياريت يتهدو بقى )
ووسيم الرجل حينما يبدو رجل .. ( والله احنا املنا كبير فى ربنا )
