►█◄ أنــــا منتقبـــــة ودمــــي خفيــــــف♦♦►█◄
انا منتقبة ودمي خفيف
لبسي مهندم زيي عفيف
اضحك عادي ضحك لطيف
......
ومتكلمش كلام سخيف
بعرف افرح ويا اصحابي
وبزور اخواتي واحبابي
ولا بضايق وانا بنقابي
عزي وتاجي هو حجابي
واللي يقول اني بكشر
يجي يشوف ازاي بنهزر
وازاي بنعمل حفلات
كلها بنات ف بنات
نلبس فساتين وجيبات
الوانها لذيذة وتونيكات
بس ده كلو ادام ستات
البس واتمكيج عادي
بس لا عيني تبان ولا ايدي
في الشارع ولا ادام راجل
امشي رزينة ولا اتمايل
هو ده ديني كدة امرني
وانا منتقبة علشان ربي
هو حبيبي رايد ستري
وبعد نقابي راحت عُقدي
مش زي الناس الي تقول
اني حزينة كئيبة علي طول
واديني كمان بكتب اشعار
ودماغي مليان افكار
ومش محبوسة ليل ونهار
بصي ياأختي انتي وهيه
عايزة تعيشي عيشة هنية
لازم تبقي بنت تقية
ف كل امورك تحطي النية
نقلا من منتقبه اه معقده لا
