مات الملكمات الملك 1-3-2011
عاش الملك
يحيا الملك
كبر الملك
خلف ملك
ربى الملك
مات الملك
ورثه الملك
عاش الملك
*****
عاش الملك لما استوى
على عرش مصر و بالهوى
يحكم بلدنا بالمزاج
وكإننا حبة شجر
يزرع و يقلع بالظروف
و كإننا حبة نعاج
وف كل يوم يدبح خروف
والنعجة تولد بالألوف
يحلب و يشرب يرتوي
و النعجة لما تقوله "ماء"
بيقولها دايماً منين
وهجيب منين
شيطان لعين
ساكن ف جسمي كإنه داء
و انا نفسي اجهر بالنداء
و بعلو صوتي اقول هلك
مات الملك
****
الشعب صدع م الملوك
بطل هتاف
حب اليقين
كره الشكوك
بطَل يخاف
قطع صكوك الجنة في عز النهار
كافر
و كفره مستحب بكل دين ما يجيبش نار
لأنه كافر باللعين
رجَع إيمانه بالإله
فضل يموت مايقولش آه
علشان تردنا الحياه
و تعود بلادنا للإيمان
مسرح و دار
و تكون حياتنا اختيار
منقولش يوم
مات الملك
عاش الملك
